ماشاءالله لاقوة إلا بالله تبارك الله
الله يزيد عليكو الفرحة والسعادة
ولكن
تقبلي نصيحتي
بلاش من هيك مواضيع
يا اختي
فكري معي كم وكم وكم
امراة او بنت تتفرج عموضوعك وماتقول ماشاءالله وتحسد
حبيبتي بعرف انا وحدة تحسد حتى عالمسنجر والانترنت والمنتديات حسدها ثاقب اقسم بالله
تتوقعي كم وحدة شبهها وانت مو دارية عنها
نصيحتي اطلبي من الادارة حذف الموضوع لمصلحتك
العين ماترحم
انا مش موسوسة ولكن للاسف هادا الواقع
كنت متلك زمان لكن حرمت وحرمت وحرمت
وحتى لو انت محصنة نفسك
الرسول انحسد
عليه الصلاة والسلام
تفتكري ماكان يحصن نفسو
لكن في ناس تحسد وعينها قوية ونفسها مش طيبة ابدا
ويعني حبيبتي فكري معي انا ليش بقلك هالكلام؟؟؟خسرانة اشي؟بالعكس انبسطتلك كتير ماشاءالله
ولو مانبسطتلك ومو خايفة عليكي ماكان بنصحك هالنصيحة
جربت قبل هيك وكلو اجا عراسي والتزمت الصمت من بعدها صدقيني
والوسوسة والحذر الزائد في مسالة العين والحسد افضل من التساهل على كل حال لانو مش مطلوب منك اصلا ولا
واجب عليكي تطلعي الناس على فرحتك وخصوصيتك في هالزمن الي مايرحم الي مسكر عحالو باب بيتو
والله يخليكو لبعض يارب ويسعدكو ويشفيكي من مرض السكر
