تونسيان
مسالة ان المراة تشتغل بس عشان تتحدى غيرها !
تفكير عقيم وماعتقد حقيقة في بنات يفكرون هالتفكير
الي تبي تشتغل تشتغل عشان تثبت قدراتها
ومسالة تحدي وما تحدي هذا موضوع ثاني
لكن .. اهم شي بعلق عليه من كلامك هو :
أنا قلت شؤون البيت و لم أقل مصروف . كنت دقيقا في كلامي . و أنا أقصد بشؤون المنزل الأعمال المنزلية و الإعتناء بالأبناء . و أكيد أن عمل المرأة سيساهم في تقصيرها في هذه الناحية و لو جزئيا و أسطر كلمة جزئيا حتى لا تقولي هناك نساء توفق و ما إلى ذلك . و المرأة تريد الخروج و العمل مما يؤدي إلى إهمال البيت و مع ذلك هي لا تريد المشاركة في شئ فماذا قدمت لأسرتها ؟ لا شئ. هذا ما أقصده. يعني من باب الإحساس بالمسؤولية أن الإنسان إذا أهمل جانب ما من حقوق العائلة أن يغطيه على الأقل في جانب آخر و من دون منّ.
عفوا تونسيان ..
فعلا يحصل تقصير من جهة الموظفة
بواجبات بيتها .. وهي بتنظيم وقتها
تخلي هالتقصير بادني المستويات
بحيث مايسبب لخبطة بالنظام العام للبيت
انت من خلال كلامك تقول ان حتى هالتقصير
البسيط لازم تعوض عنه المراة ..
انا اقول ان عوضت عنه بالمشاركة بالنفقات
فشي طيب .. ولكن ان ما عوضت عنه ؟؟
وش صار يعني ؟؟ عادي .. احس من كلامك
( واتمنى يكون احساسي غلط ) ان حتى هالتقصير
البسيط مو مسموح فيه وما تتنازل عنه
حتى رغم كونه بسيط !!
تونسيان الشخص الي ماهو مستعد يتسامح
حتى مع التقصير البسيط من جهة زوجته
معناه لازم يكون كااااامل مكمل ولا يغلط ابدا ولا
يقصر ابدا .. عشان يحق له يفرض عليها نفس الشي
يا ترى هل انت تؤدي كامل مسؤولياتك كزوج
من غير تقصير 1% !!
ثانيا الشخص الي ماهو مستعد يتسامح
حتى مع التقصير البسيط من جهة زوجته
راح يتصرف هالتصرف حتى لو ماهي موظفة
وراح يسبب مشاكل وفجوة نفسية بينه
وبين زوجته لانه راح يبين لها من خلال
هالتصرف انه اناني وغير متسامح ويبي
كل شي يجي على راحته هو ..
يعني .. بشكل عام التسامح مطلوب
بين الازواج بين الاهل بين الرؤساء بالعمل والموظفين
كلنا نقصر .. محد كامل فمو معقول نحاسب الزوجات
على اتفه تقصير ممكن يحصل (سواء كانو موظفات ولا لا )
حتى انت كرجل ما تتحمل ابدا زوجه تحاسبك
ليش مثلا ما جبت لها الغرض الفلاني فالوقت الفلاني
لانها كانت تحتاجه .. تتوقع منها تلتمس لك الف عذر
وعذر خصوصا انك ما قصرت من نواحي ثانية !!