كراى والله انا هقولك اللى بخاطرى
الجد يعتبر فى المواريث اب وان علا
يعنى جد ابنك فى مقام ابوه ولو الاب توفى الوصايه للجد على الاولاد حبيبتى حتى لو انتى حاضنه

المهم القاضى بيحكم ان الاب يشوف عياله صح بس ما بيحددش فين
واكيد انه مش عند الام لسبب ان الاب عاوز ينفرد باولاده يتكلم معاهم يعرف حياتهم ومشاكلهم ةياخد راحته حتى لو هيخرج بيهم مع الزوجه الجديده ........ انا اسفه بس الحق مايزعلش
من حق الاولاد يعرفوا زوجه ابيهم الجديده زى ما لو امهم اتجوزت يعرفوا جوز امهم ولو ابوهم خلف ياترى بقى هياخد ابنه ويروح بيت طليقته يعرف الاولاد من المرأتين على بعض !!!!!!!
الشرع لم يتكلم فى التفاصيل
ولو على الشرع الولد لامه حتى السابعه وبعدها يتاخد منها
ولو على الشرع هو كمان يقول لطليقته اسف ابنى ما يشوفش اهلك زى ما هو محروم من شوفة اهلى

الام مالهاش انها تتدخل لا بالشرع ولا القانون ابو الاولاد هيوديهم فين يوم الرؤيه الا لو كان المكان ده فعلا مؤذى بالنسبه لهم مؤذى بجد مش ظن
أذى نفسى كالتقول على الام او بث الكراهيه مثلا او الايذاء البدنى
واهل الزوج من هم الجد والجده والعم والعمه
محارم الولد والبنت
والبنت لها نفس حكم الولد لا يمكن ان تمنعيها من رؤيه جدها او جدتها
الدين ترك بعض الامور لتغيير الازمان والاوقات
لو قريبتك هتقفلها اوى كده على الاب صدقينى مسيرها تتجوز او ابسط حاجه الاب يعند ويتمسك بسن الحضانه القانونى
ياجماعه خرجوا الولاد من مشاكلكم
ارجوكم
ارجو انى اكون وافيت السؤال