هقولك حاجه انا بتبسط جدا لما اساعد حد بحس انى انسان حقيقى خاصه لو المساعده نفعت لانى بحس ان ربنا ممكن يسخر لى اللى يساعدنى من دون غرض
بص يا سيدى انا كان وزنى 82 كيلو وطولى 170 سم وتعبت 10 سنوات بحاول انزل 15 كيلو بس دكاتره وفلوس ووجع قلب
وقريت كتيييييييييييير فى القصه دى
واخدت القرار انا مش هسيب روحى كده لازم فيه حل وفعلا نزلت وزنى 15 كيلو فى 6 شهور من غير لاجوع ولا حاجه
ممكن تقولى انت وزنك كام بالضبط وطولك وبتشرب كام كوبايه شاى باليوم او قهوه او عصير بكام ملعقه سكر
بتاكل حلوى قد ايه بالاسبوع كام مره وحجم القطعه
عاوزاك تكتب لى كل السكر اللى بتاكله كل يوم تقريبا قد ايه.
وهنمشى خطوه خطوه وبإذن الله ربنا يوفقنى واعرف اساعدك
هنعمل خطه ونمشى عليها وهنشوف هنوصل لحد فين