في البداية الله يسهل امورك ويوفقك
اختي .. من كلامك حسيت ان عندك وقت فراغ كبير جدا والشي هذا هو اللي مسبب الامور اللي انتي فيها .. من وجهة نظر ثانية .. ماشاء الله انتي وزوجك موظفين واموالكم فيها بركة ماشاء الله والله يزيدكم وهذا شي اعتبره احد ابرز الايجابيات في العيش في الريف .. وبالنسبة للتعليم اعتقد ان التعليم متساو في المادة العلمية وبرأي أن المدارس الحكومية افضل في تجهيز واعداد الطالب للحياة الجامعية بدلا عن المدارس الأهلية التي تساهم في تسهيل المواد .. فتقدري انتي تقومي بتدريس اولادك مساعدتهم .. الشي الثاني حاولي تجتمعي مع الجيران ومع اهل زوجك ولا تقولي انهم كويسين بس ماحبهم لا حاولي تقنعي نفسك انك لازم تعيشي معاهم وهذولي هم صديقاتك الجدد و راح يكون بينكم تقارب وصداقة كبيرة ..
النقطة الاهم .. نصيحة من اخوك .. لا تنقلوا للمدينة وتسكنوا بالايجار وانتم في بيت ملك حاليا .. لان المدينة ايجاراتها غالية جدا وتهلك ميزانية الواحد وبرضه فكري في المصاريف اللي راح تجيك من النقل للمدينة .. إيجارات ، مدارس خاصة ، مستشفيات غالية ، مواد غذائية غالية .... إلخ فهل تشوفي الاشياء هذي والحالة المادية بتكون احسن والا أسوأ
انا موافق معاك من ناحية الرعاية الصحية ان في المدينة افضل لكن بسيطة كل ماتعب واحد من عيالك ودوه لاقرب مدينة وارجعوا .. واعتقد ان عندك انترنت فتقدري تتواصلي مع صاحباتك وتشوفيهم ويشوفونك .. ودائما اختي فكري في زوجك لان اعتقد زوجك يعزك ويغليك ومستعد يسوي اي شي علشانك وهو مبسوط انه يسوي الشي هذا فلا تخليه يغير نظرته عنك ويبدا ما يلبي لك رغباتك وطلباتك