ربنا يلهمك الصبر
استرى عليه لسبب مش انه لا قدر له عنده فضيحه الادمان مرض وده مش رايى ده راى العلم
القصه مش ستر او فضيحه القصه ان لما هتقولى وتعيدى وانى اتطلقت عشان كذا وكذا اللى هيحصل ان برضه الناس اللى بتقول عليكى دلوعه هتتقسم فريقين فريق يقول
ست مش كويسه فضحت الراجل وقالت وعادت برضه مالهاش فى الجواز ولا الستر على العورات
والفريق التانى طاب ماكانت استحملت دى برضه دلوعه ما استحملتش الراجل فى ازمته
فى الحالتين انتى غلطانه قدامهم
انتى لو بررتى انتى اتطلقتى ليه عشان تطلعى بريئه ده هيريحك لبعض الوقت بس هتفتحى باب للهمز واللمز وطبعا طليقك هيوصله الكلام فيبدأ هو التانى يدافع عن روحه وهيبقى حقه يعنى هتفتحى علي روحك باب ماله معنى خاااااااااااااالص
ولو كنتى حتى زى الفل لازم هيطلع فيكى القطط الفاطسه .......زماحدش يحب يطلع غلطان
اللى قاله ابوكى عين العقل.......ربنا يكرمه
ما عليكى من الناس
اللى يهمك ان انتى عارفه انتى هتتطلقى ليه واهلك والدك ووالدتك مقتنعين ودول بجد اللى يهموكى
دول سندك وعزوتك
الناس هتفضل شويه كده تلف وتدور حوالين روحها عاوزين يعرفوا سبب الطلاق ولما يلاقوكى ملتزمه الصمت حتى لو نقلوا لك كلام من طليقك هيزهقوا ويسكتوا
بلاش تكترى فى الكلام انتى عارفه احنا مجتمع يحب الحش وكتر الكلام ...........كده كده هيتكلموا سيبيهم بقى ياكلوا نفسهم
ما عليكى خليكى فى روحك واستعينى بالله
جوزك او طليقك الله يسهل له........صفحه وانطوت اقفليها انتى بقى
سلام
__________________
ليس كل ما يلمع ذهباً