بتلقف واعطيك جدول باذن الله ترتاحي معه
قومي قبل الفجر بنص ساعة كحد ادنى
وتوضي وافرش سجادتك وشغلي فواحة ذات عطر هادي
وشغلي اضاءة خفيفة
وقومي صلي كم تسليمه
وبكل سجدة بث كل اللي بصدرك
وقولي يارب هون علي مصابي
يالله اجرني في مصيبتي واخلف لي خيرا منها
ياحي ياقيوم اجعل ما اصابني كفارة لذنوبي فضلا منك وكرما
وبعدها اشتغلي بالاستغفار حتى ينقشع الليل ويعلو اذان الفجر
و وقتها كمان ادعي بكل اللي تبينه
صلي الفجر واقري اذكار الصباح
بعدها روحي للمطبخ وصلحي لك حليب دافي وساندويش
وافطري بالهنا
لاتنامي بهالوقت لانه وقت توزيع الارزاق
حتى بعد ماتطلع الشمس ب12دقيقة صلي الضحى
ومايحتاج اعلملك بفضائل هالاعمال
ان شاء الله انك على علم بها
بعد كذا تقدري تنامي او تقراي او تمارسي هواية محببة لك
وانصحك بممارسة رياضة المشي بشكل يومي
لانها تساعد في تخليص الجسم من الشحنات الزائدة
ودلعي نفسك بحمام مغربي او حمام شموع وعطور
سولفي مع امك وبري فيها وعوضيها عن غيابك
تواصلي مع صحباتك وتونسي معاهم
ياليت اذا في مجال تسافري وتغيري جو
او حتى تطلعوا رحلة خارج المدينة لمدة يوم كامل
هذي لها ردة فعل ايجايبة تنعكس على نفسك
وكمان عندك الشوكلاته والموز والبرتقال
مهدئات طبيعية لا تحرمي نفسك منها
التعديل الأخير تم بواسطة أم داليا ; 12-12-2009 الساعة 01:31 AM