ربنا يهديه بس انتى قلتى لاخته ممكن يكون خير ويستحى وممكن شر ويقول خلاص الكل عرف وانا حر؟؟؟؟؟؟؟؟!!!!!!
الله اعلم عسى ان تكرهوا شيئا ويجعل الله فيه خيرا كثيرا
المشكله مش فى كل اللى انتى حكيتيه واخته وما اخته
حبيبتى للمره الالف الادمان مرض
جوزك طول ماهو مع نفس الاصدقاء لا يمكن يقلع ابدا
طول ما انتم بنفس الظروف والاوضاع لا يمكن يبطل ابدا
انتى غلطانه غلط كبير
خايفه تتطلقى ومش خايفه تبقى تمن سيجاره حشيش قدام عيونه وبمشورته
خايفه تفقدى حياتك الزوجيه ومش خايفه على شرفك وسمعتك وسمعه بنتك
مين بيرضى بيها وابوها حشاش
كلامى جامد انا عارفه بس لازم تجمدى عشان يتعدل وانتى مش هتجمدى غير لما حد يضربك على نافوخك الاول عارفه ليه انتى الاول لانك الاعقل والفايقه الوحيده فى البيت ده
جوزك بياخد حشيش عشان يعمل دماغ بعد كده الحشيش مش هيجيب معاهن فيروح للبودره والحقن
ويبقى بيتك ماخور
انتى تقولى له رجاله بالبيت لاء
افترضى حد بلغ ان بيتكم فيه دعاره تفتكرى موقفك هيبقى ايه
رجاله طالعه كل ليله مع جوزك
هو يحشش مطرح مااهو عايز بعيد عن البيت
البيت له قدسيه حبيبتى
النهارده وطى صوتك
بكره ابتسمى فى وشهم
ما تزعليش منى كلامى يوجع بس بجد عشان مصلحتك والله
ومصلحه البنت دى اللى جايه
__________________
ليس كل ما يلمع ذهباً