المشاركة الأصلية كتبت بواسطة أفيدوني

طيب ما صار شي الله يهديك ..



الموضوع عادي جداً , يعني هو زعل عشانك ما دقيتي عليه يوم رحتي للسوبرماركت , خلاص كان المفروض تخلينه لين يروق ويهدا وتعتذرين منه ويا دار ما دخلك شر , وصدقيني بترجع الامور تمام بس هو مو مروق ومرتفع ضغطه ..

انا وانتي نقول ماصارشي.. لمن الرجال تفكيرهم غير!!


كان المفروض انه يوم صحى من نومه وسألك , اعتذرتي منه وقلتي آسف وصدقني ما تكرر يا تاج راسي ونظر عيني وهليتي دمعتين على الطاير ..

عزة نفسي تمنعني!!

س هذي مو نهايتك , يعني لا تكبرين الموضوع , ألحين دزي له مسج فيه كلام حلو واعتذار وتبرير لموقفك على شوي مدح , وصدقيني بترجع الامور تمام , وبعد كذا تكشخي وانتظريه لين ما يرد واذا تأخر نامي في الصاله علشان يفكر انك كنتي تنتظرينه ..

الله كريم

وفقك الله