أختي مملكة العالم
والله ماأعرف شو أقولك بجد مشكلتك مشكلة طبعاً ماحقولك اصبري لأنك لو كنتي تقدري تصبري ماكنتي انتظرتي حد يقولك هالكلمه ..
انا متأكده أنك ماطرحتي المشكله إلا لما بدأت قوتك تضعف ومستحيييييييل ألومك والي يلومك خلي يحط نفسو مكانك ويشوف إذا تقدر تتحمل وتصبر سنه مثلك ولا لأ ممكن فعلاً غيرك تصبر سنه وسنتين ويمكن العمر كلو عشان أولادها بس مو شرط إذا فلانه تتحمل شي يعني انا اقدر اتحملو !!
الحين احنا امام مشكلتين حاجتك كأنثى وأمومتك
خلينا في أمومتك الأول انا استشفيت من ردك على فتوشي إذا ماخنتني الذاكره انك مستعده تتركي أولادك لأبوهم وانك متأكده انو بيسمحلك تشوفيهم بس المشكلة لو أولادك بعدالطلاق هما الي يرفضو بشوفوكي وعشان كده وإذا اعتمدتي انك تنفصلي وبعد ماتدرسي كل النتايج وقبل ماتقرري القرار الأخير حاولي بطريقتك الخاصة تشركي أولادك بالقرار -بدون تفاصيل هما بغنى عنها- شوفي شو ممكن تكون ردة فعلهم كيف ممكن يتقبلو الموضوع لأن الخوف تسترجعي حاجتك الانثوية وتفقدي امومتك .. فكري بالموضوع على مهلك
نرجع لحاجتك كأنثى انتي ضامنه انك تلاقي الشخص المناسب يعني البنات مو لاقين يتزوجو هالأيام بس طبعا كل شي قسمة ونصيب بس انا خايفه عليكي تضيعي بيتك وتروحي لسرااب وبنفس الوقت شايفه انك لازم تحصني حالك يعني طالما بديتي تتعبي من الموضوع وتبكي بالليل يعني الوضع عندك صار صعب وخصوصا ان المغريات حواليكي كثير وصعب اي حد من مجتمع ثاني يقدر يستوعب طبيعة المجتمع الي انتي عايشه فيه
نرجع لموضوعنا برأي ضروري تجلسي مع زوجك وتصاريحه يعني هو طبعا حاسس بس الكلام بالموضوع بطريقة مباشره يختلف حاولو تلاقو حل سوا ياريت يكون في علاج وبكدا تكوني ماخسرتي شي أنا برأي زوجك يقدر يسعدك لو حاول يطلع من حالة ( الشيخوخه المبكره) والإستسلام الي حط نفسو فيه وطالما هوا طرف في المشكله ماتقرري لحالك مثل ماتحملتي الفتره الي فاتت حاولي تتماسكي بالفتره الي جايه واعتبريها فتره القرار
الله يعينك يارب اتمسكي بصلاتك واكثري من الاستغفار وإن شاءالله توصلي لحل يريحك ويناسب جميع الأطراف
يـــــارب اسمع عنك اخبار تطمن الله يحميك من كل شر ويهدي سرك
__________________
اللهم ان كان خيراً فجعله من نصيبي .. وإن كان شراً فجعل فيه الخير وأجعله من نصيبي 
التعديل الأخير تم بواسطة أحلامي بسيطة ; 14-12-2009 الساعة 01:50 PM