السلام عليكم ورحمة الله وبركاتة
يسعدلي جميع آوقاتكم بخير
حبيت آطرح هالموضوع وهو بالنسبة لي مشكله
كلي آمل بالله ثم بحضراتكم الاقي حل آو اي شي يرحني من التفكير
انا بنت وعمري 27 سنه تقدم لخطبتي .. شخص متزوج وعمره 34 سنه
عرفته عن طريق الاستشاره النفسيه .. هو دكتور نفسي
كنت ابي استشيره واتابع معه حالة اخوي .. يمكن ثلاث مكالمات .. كلها ماتتعدى الساعه
بعد شهر من انقطعت عنه .. اتصلت علي آخته وعرفت بنفسها اخت الدكتور فلان
ودار حوار بيننا انتها بالخطبه ... وملكنا والحين انا زوجته .. بس المشكله هنا
انا غيوره مررره مشكلتي اعصب بسرعه وافهم غلط .. من اكلمه احصل جواله مشغول
ويحلف انها استشارات انا ما اشك في اخلاقه الحمدلله هو ملتزم ..
احيانا ازعل منه لو طول مايتصل او يقول مشغول اقول تهملني واحنا ببداية حياتنا
وهو قدر مايقدر مايبيني ازعل بس انا مادري ايش فيني
زوجتة الاولى ام اولاده بينهم مشاكل ماتنتهي ابدا حتى اذا هو يكلمني تسمعني كلام جارحه لدرجة يجلس يتهاوش معها
وكل يوم يقولي مااقدر اطيقها راح اطلقها وانا ارفض وهو مستغرب ..
ومتزوج وحده ثانيه مريضه نفسيآ الله يشفيها ومتزوجها عشان يعالجها
يعني شهر بالمستشفى ويوم برا .. يعني مررره متعذب مع زوجاتها
يقول ابي ارتاح معك ... بس انا مقدر اتحمل اهتمامه بزوجتة المريضه اغار منها
وهو يقول ذي مريضه تغارين من ايش ... بس مقدر اتحملها اذا كان عندنا بالبيت
تتصل عليه ويروح جري .. وازعل واقول مابيك روح لها انت تحبها واقلب الدنيا على راسه
وما اسمع منه غير .. ملاك انا ابي ارتاح معك
كيف بيرتاح معي وهو مهتم بزوجتة المريضه .. كيف اسيطر على نفسي وعلى غيرتي
مع زوجته ذيك الملسونه ام اولاده عادي ماتهمني لآنو هو متحملها عشان الاطفال اما لسانها مايصبر عليه احد
هو الحمدلله يحبني ويسمع كل كلمه اقولها وما يسوي شي الا لما انا اوافق
بس مشكلتي الغيره وانشغالة الكثير
ابي حل ورآي صادق