منتدى عالم الأسرة والمجتمع - عرض مشاركة واحدة - هل تفكيري صحيح ؟ أرجوا التوضيح

15-12-2009, 06:27 PM

fatoushi

عضو نشيط جدا

تاريخ التسجيل: Feb 2007

المشاركات: 942

مساء الخيرات

ربنا يوفقك فى شغلك
اللهم لا سهل الا ما جعلت سهلا وان شئت ربى جعلت الصعب سهلا

الاول ازيك واضح انك مضغوط جدا جدا وده شىء عادى الضغوط لا تأتى فرادى
يعنى عندك مشكله فى الشغل فجأه تلاقى دماغك راحت انا لحد امتى هفضل من غير جواز ، انا وضعى مستحيل لازم اوفى بالتزامات اهلى ، انا وحيد ، الفلوس مش بتكفى ، البنات صعب اختار منهم ، مش هلاقى حد كويس الا بتعب، مين هترضى تصبر 3 سنين ، عاوز اربى عيالى وانا شباب ، نفسى اتمتع بعمرى
مافيش فايده
وياكلك الاكتئاب...........عاااااااااااااااااااااااااااااا اااااااادى
عادى مش معناها انك مش فى ازمه لا عادى ان الغول بتاع الاكتئاب يفضل يضخم فى نفسه عشان يرعبك وياكلك لانك لو شفته على حقيقته هتعرف انه مش بالحجم المهول ده وهتعرف تسيطر عليه وهيقعد معاك يادوب كام ساعه، انما الاكتئاب مش عاوز كده، عاوز ييأسك وتبقى اسير ليه،دى حقيقه والله مش بتفلسف عليك
ده غير ان فيه جزء داخل كل انسان بيحب يركن ليه وهو الاستسلام لانه اسهل انا مش بتهمك اطلاقا وما تفهمنيش غلط الانسان ما بيحبش لا يغامر ولا يخاطر ولا يتعب ، عشان كده ربنا خللى العمل عليه اجر لان الاصل حب الراحه لو الاصل العمل ما كنتش هتؤجر عليه ، هو انت بتؤجر على الاكل او الصحيان من النوم مثلا؟
والعمل اقصد بيه تحدى الظروف
تانى انا مش بتفلسف عليك انا حد اكل على الاكتئاب وشرب لحد ما وصلت انى لما بشوف خياله بس جاى من بعيد بقفل فى وشه الباب وان عاند ودخل يادوب كام ساعه وخلاص

طويله المقدمه دى مش كده ........انا عارفه انى ثرثاره

المهم يا سيدنا

حقك تفكر فى كل اللى فكرت فيه ده ويبقى غلطان اللى يغلطك وحرام عليه بس انت مشاكلك زى الكوره الصوف مشبكه فى بعضها وعشان تغزل منها توب حلو لازم الاول تفكها خيط خيط وده مجهود لا يقدر عليه الا اولو العزم.

الاول هنحط مشاكلك فى نقط عشان تشوفها قدام عيونك ودى طريقه محترمه وعلميه وصدقنى لو اتعودت عليها هتعرف تحل اصعب مشاكل الدنيا ربنا يبعد عنك الشر كله.

بسم الله هنبدأ من اول السطر
- مسئوليه ماديه تجاه العائله - هل توجد بدائل ام انك العائل الوحيد ؟ الديك اخوه ؟ كم اعمارهم ؟ متى يستطيع من يليك فى الترتيب ان يساعد معك فى تحمل عبء المصروفات ؟
- مسئوليه تجاه نفسك - هل ترفه عن نفسك ام انك تعمل فقط ؟ هل لك اصدقاء ؟ هل تدخر وان كان الرد لا فلماذا؟ هل تؤدى فروضك كامله ؟ هل تؤمن بالله حقا وبانه لن يخذلك ابدا ؟ هل ثتق بانه الى جوارك ؟
- ما هو السن المناسب للزواج من وجهة نظرك ؟ ماهو معدل سن الشباب الذين تزوجوا فى محيطك ؟ هل بدئوا حياتهم بالديون ام انهم كانوا فى سعه ؟ هل هم سعداء ؟
- لماذا تريد الزواج الان بالذات ؟ هل هو هربا من الالم والوحده ام انه شعور بسبب سؤ الظروف وانه ينتابك عند كل ازمه؟ هل تحب فتاه معينه مثلا وتخشى ان تضيع منك ام انك تفتقد طرفا اخر فقط فى حياتك؟
- كيف تريد ان تبدأ حياتك مع الشريك ؟هل يمكنك ان تبدأها بالاقساط والديون ؟
- كم هو المبلغ المطلوب للبدء بمشروع الزواج ؟ كم سيحتاج من الوقت لتدبيره ؟ كم سيكون عمرك عندها؟
- هل ترى ان فتره ثلاث سنوات تكون خاطبا او عاقدا قرانك بها هى فتره طويله ؟ ولماذا ؟ وهل لو وجدت فتاه ترضى باتنظارك سيكون قرارك هو ذاتهظ
- ماهى مواصفات الفتاه التى تريدها ؟ هل كل الفتيات غير لائقات ؟ كيف ستختار فتاتك اهى من المحيط العائلى ام زميله عمل ؟
- هل تبالغ فى حذرك من الفتيات؟ هل تضع مواصفات مثاليه او صعبه ؟ هل لفتاتك وجود ام انك تريد ملاكا"؟ هل انت واقعى فى تدقيقك ؟ هل خوفك من عدم الوفاء بمستلزمات الزواج هو الذى صور لك صعوبه الاختيار وان معظم الفتيات رديئات؟

- الى ماذا ستؤدى هواجسك وتدقيقك الفظيع فى الاختيار ؟ هل ستتصيد الاخطاء او الزلات ؟ كم سيمر من عمرك وانت تجرى فحصا وتنقيبا عن ملاكك

اجب عن كل هذه الاسئله اولا ولنا عوده لنناقشها

استعن بالله وقل اللهم اكفنى بحلالك عن حرامك واغننى بفضلك عمن سواك

__________________

ليس كل ما يلمع ذهباً