تؤمرى ولا يؤمر عليكى ظالم ابدا يا فوئه
تشترى كيس ملوخيه مجمده مونتانا ماليه الدول العربيه
مرقه لحم او فراخ مسلوقه
نصف راس ثوم مدقوق ناعم
ملعقه صغيره كسبره ناشفه ومطحونه طحن ناعم
ا مكعب مرق دجاج او لحم
املعقه سكر صغيره ممسوحه
2 ملعقه سمن
بسم الله
2 مج كبير من بتاع الشاى مليان شوربة الفراخ او اللحمه وتكون سخنه وتحطى مكعب المرقه حسب الشوربه لو فراخ يبقى مكعب دجاج ولو لحمه يبقى مكعب اللحمه
تفرغى فيه كيس الملوخيه كله
تحطيه على النار اول ما تبدأ هتقوم بالغليان يعنى تعلى يادوب توطى النار جدا جدا
وتحمرى الثوم فى ملعقتين السمن معاهم ملعقه الكسبره لحد ما الثوم ياخد لون دهبى
وتصبى الثوم فى الملوخيه فورا هتعمل صوت طبعا وريحتها تملا المكان وتاخدى ملعقه من الملوخيه تنزلى بيها باقى اللى فى طاسه التحمير
وتعلى النار تبدأ تعلى تانى تقومى تطفى عليها وتحطى معلقه السكر الصغيره وتملحى حسب الحاجه
وبالهنا والشفا
اوعى الملوخيه تسقط منك تبقى خايبه بقى وتفضحينا
لو طلعت حلوه ادعى لى انا واولادى
__________________
ليس كل ما يلمع ذهباً