الله يعينك أخوي مشوارك طويل إلين ما تلقى منها اللي تريد. شكلك أخدت وحدة مخدومة في بيت أهلها وهي شايفة إنها فين ما راحت لازم أحد يوقف عليها ويشوف طلباتها. وشكلها عنيدة لأنها بتهرب من المسؤلية. طبعا في بنات يطلعوا من بيت أهلهم تقول ما شاء الله تعرف تسوي كل شي وهي أبد ما تعرف. لكن زوجتك مو من هذا النوع...


أنا أظن إن الموضوع يبغاله صبر وبالتدريج شوية شوية إلين ما تخليها هي تعمل كل شي بنفسها. لكن أِشوف إن الحوار الهادئ لا التلميح أحسن من الأوامر وفرض الذات عليها. وهي إذا بتحبك حتطيعك. أولا لازم تبطل حركة إنك إنت تخدمها. إذا جيعان قلها يا حبيبتي أنا جيعان ودي تسويلي شي لزيز عالسريع من يدينك الحلوة. أنا عارفة إن المفروض الموضوع ما يبغاله دلع لكن خدها على قد عقلها وشوي شوي راح يصير الموضوع بدون دلع وهي حتعرف إيش مطلوب منها.
وبالنسبة لتنظيف المطبخ قلها يا فلانة إيش رأيك تقومي تغسلي الصحون وأنا راح أنشفهم. مثلا ... يعني تخليها تسوي الشي وانت مساندها. وكل فترة أعطيها أشياء أكتر تسويها بنفسها وانت تطلبها منها. أنا أقول يعني أديها إلين الولادة تقريبا في التدريج. وبعد الولادة لمن ترجع من عند أهلها إذا هي جلست عندهم تقولها يا فلانة.. قبل الولادة قدرت ما شاء الله عليكي تشيلي البيت وتتحملي التعب. وبعد ما جبتيلنا الطفل الحلو ياريت تكملي في العناية في البيت وانت قدها. وإذا شفتك تعبانة من الشغل والطفل راح أساعدك زي أول لكن كلها كم شهر والطفل يكبر وانت ما راح تحتاجيلي زي أول ما جا. وشوي شوي تسيب مسؤلياتها عليها هي. بس كمان لابد من المتابعة المستمرة منك لأن أهلها ما علموها.

إذا كل هادا ما نفع معناها شي واحد بس. هي من غير ما تقول بتقلك جبلي شغالة تخدمني وتخدمك.. والله يعينكم إن إنت قلت لا ...