وماله يا روعه حقه حبيبتى حقه
شرع ودين وعرف وقانون كله حقه.......ويبقى غلطان اللى يقول غير كده طبعا .........
بس روعه قبل لا يتزوج على وللمره الالف يعلنها لى ما ياخدنيش غدر
عمرك شفتى حد بيمارس حقه فى الخفا
احنا ما نخاف كمسلمين الا من رب العالمين وللا أيه ؟
يعنى ما يجوز يخاف من مره ست يعنى
بس حبيبتى برضه ياريت قبل لا يعدد وياخد حقه يسيب لى الاختيار يا أكمل يا نتطلق
عارفه لو مش حقى انى اتطلق عشان عدد ولو يبقى تحرم على رائحه الجنه عشان السبب ده
ما كانش المأذون يبيح للزوجه ان تضع شرط من شروط زواجها ان ارادت طبعا
لا يجوز له الاقتران بأخرى الا بعلمها
وعلمها قانونا يعنى أعلان على يد محضر من المحكمه او اقرار خطى انها تعلم وتصرح له بالزواج
عارفه جزاء مخالفه الشرط ده ايه
يعنى لو اتجوز من غير علمها
يفسخ العقد من اول جلسه بالمحكمه وتستحق الزوجه صداقها كاملا ونفقه متعتها وعدتها كامله دون الحاجه لاثبات الضرر الواقع عليها
يعنى مش حرام انى لو ما قدرتش على كون تبقى لى ضره، والناس قدرات ورحم الله امرىء عرف قدر نفسه انها تطلب الطلاق
فبلاش نتكلم فى ان الزوجه الاولى حرام تطلب الطلاق
كون بقى انه جنسيا هيبقى افضل ، يبقى كل راجل هيهمل زوجته جنسيا او يفتر من ناحيتها عليها لمساعدته ان تقدم له اخرى حتى يستمتع ثلاثتهم كل واحد فى بيته طبعا وعلى حده عشان ما اتفهمش غلط
فجأه كأننا رجعنا لزمان اوى لما كانت الزوجه تشترى جاريه لجوزها عشان التجديد وعشان يقوم بالواجب مع الاولى تمام!!!!!!!
بصى حبيبتى معلش بلاش نطلع للتعدد فوائد ومحاسن وانه هيرجعنا نغزو الفرس والروم ......
اللى عاوز يعدد يعدد عشان ده حلاله هو حر
انما كوننا عاوزين الاولى تتحمل والله دى قدرات ، والله اما يكون هيبقى طرزان بعد ما يتجوز تانى وهوكان عاجز، وهى مش متحمله الضره ما هتقدر تقبلها تقولك اشوفه عضم فى قفه ولا تاخده واحده تانيه
هى حره حقها الله
علينا اننا نحدد اختياراتنا ونتحمل مسؤليتها
امال ربنا هيحاسبنا على ايه؟
موضوعك ظريف .........مشكوره
__________________
ليس كل ما يلمع ذهباً