الله يعينك على كلام الحريم الكثير 
يا أخي من الأخير
إذا ما في جدية منك فما في اهتمام منها
اللي يهمه أمرك وما يحس لازم تخليه يحس عصب عنه
قل لها أنا ما أبغى هالعيشة
قالت لك ما أبغى أتناقش قل لها إلا بتسمعين لأني انقرفت ومليت
مو معقولة هالكلام
إنت تحرق روحك وهي ولا على بالها
ما دامك هجرتها وناقشتها ولا تعدلت ودها عند أبوها وتفاهم معاه
يخوي أنا اليوم جاي من الدوام الساعة 6.30 على صلاة العشاء وتعبان حدي وإنت جاي الساعة 8 ومداوم من الصباح فكيف بيكون وضعك؟؟؟؟
والله يا أخي إنت طيب وهنيئا لزوجتك بواحد طيب مثلك وما أقول هالكلام مجاملة أو استهزاء
لكن الرخاوة اللي عندك هذي ما تمشي البيت
بكرة ومع مرور السنين الأشياء اللي كتمتها في نفسك من الماضي ممكن تظهر وتسبب لك مشاكل كبيرة في المستقبل إذا ما عالجتها من الحين
وهي إذا تعودت معاك من البداية هذه الطريقة بتستمر وهي إذا كبرت إنت ما راح تعذرها
روح معها عند أبوها واشرح له المشكلة كلها
هذه وجهة نظري
وفي الأخير أسأل الله أن يهديك ويهديها ويسعدكم ويكفيك شر الدخان وتتركه قريب لوجه الله
ايوة تذكرت (من ترك شيئا لله عوضه الله خيرا منه) وما تدري الخير من الله من وين يجي
__________________
(إنما عند الله هو خير لكم إن كنتم تعلمون)
(ما عندكم ينفد وما عند الله باق)