اختى العزيزه

اولا اهنئك على شجاعتك فى الاعتراف بأن لديك مشكله وهذا كما تعلمين نصف الحل


انت فتاه فى ريعان شبابها ولديك قدره وطاقه جنسيه وهى مشاعر اعطاك اياها الله سبحانه وتعالى ولا عيب فى وجودها
العيب فى طريقه تفكيرك ولا اقصد بالعيب العيب من وجههة نظر المجتمع بل اقصد بالعيب الخلل

انت تنظرين للرجال ويسبب لك ذلك اثاره او اثاره تجعلك تنظرين وكلاهما خطأ
فالنظره الاولى لك والثانيه عليك والنظره الاولى يقصد بها النظره العفويه دون تمعن فى الشخص

ليس مطلوبا منك قتل شعورك الجنسى ولكن مطلوب منك كبحه
فالشهوه كالحصان الجامح ان لم تكبحى جماحه اوردك المهالك


البلاء ليش فى قوة شهوتك البلاء فى ماتؤدى اليه قوه الشهوه وانها تأتيك بأى مكان يعنى ممكن بالشارع او بأى مكان

يعنى انت تاركه لتفكيرك الجنسى العنان

انا هقولك على طريقه يارب تنفعك بس الاول
بتصلى وفيه تقل فى جسمك مش مهم صلى برضه عادى حتى لو تعبانه صلى على كرسى المهم ما تقطعى الصلاه
تانى شى ما بتقرى قرأن عشان ما بتتمعنى وماله برضه اقرى من غير تمعن ولو حتى قرايتك مش سليمه مش مهم اقرى بعد فتره من القرايه دون تمعن هتلاقى نفسك بتتمعنى غصب عنك لانك هتلاقى حاجات مش فاهماها فهتعيديها عشان تفهميها
هاتى مصحف من اللى مكتوب فيهم حوالين برواز الايه المعانى ......وكل ما ماتفهميش كلمه بصى على المعنى هتلاقى روحك قريتى اى ايه مرتين مره وانتى مش فاهمه المعنى فهتدورى عليه وبعد ما تفهمى المعنى هتقريها تانى عشان تظبط فى دماغك.

بصى الشيطان هيدخل لك من اى مكان ، انتى بتصومى عشان تخسى مش عشان وجه الله لا حرام ماتصوميش ، بتقرى وانتى مش فاهمه او مش خاشعه حرام ما تقريش، بتصلى وانتى تعبانه او مش خاشعه او كفرض وبس مش عشان انتى بتحبى الصلاه ما تصليش ، بتتصدقى عشان اللى بتديه الصدقه يقول طيبه او عشان لك حاجه عند ربنا ما تتصدقيش......
مقنع الشيطان مش كده

عارفه لو عملتى كده وسمعتى كلامه ايه اللى هيحصل فجأه هتلاقى روحك مسلمه كخانه فى الباسبور وبس

اختى حتى لو اللى الشيطان بيقوله لك ده صح ما فيش لا خشوع ولا تدبر وتعب وعبء وواجب تقيل عليكى الصوم والصلاه والتصدق والقرأن ........معلش اعمليهم يا ستى اداء واجب وحتى لو حاسه انه تقيل اعمليهم وبس وحتى لو مخك طاير وانتى بتأديهم برضه اعمليهم

بعد فتره ما تتعودى على اداء الواجب ده ......هتلاقى روحك لوحدك شويه شويه بتتدبرى وتخشعى وتطردى انتى الشيطان
عادى لازم الاول عقلك وروحك يتعودوا بعدها هتتقنى

كلنا اكيد مرينا بده ودى مرحله بنمر بيها وبعدها الدنيا بتمشى تمام .......وكل فتره الشيطان هيعيد لك نفس الكلام ......ويشكك فى نيتك وفى وضوئك يعنى عادى عادى

تانى حاجه بقى الشباب قوه والشهوه نار
لا يطفىء النار دى الا الجواز او العمل والانشغال

انتى تفكيرك ده هو الطريقه الوحيده اللى بيهرب بيها مخك من المذاكره لو ركزتى فى المذاكره بجد مش ممكن هتقعدى تفكرى طول اليوم فى شهوتك !!!!! وان فكرتى حتى هيبقى اول كام يوم بس لان عقلك لسه ما اتبرمج وبيفكر بحكم العاده بس
لو بتفكرى وانتى فاضيه عشر مرات ......لو اتشغلتى بجد بالمذاكره هيبقوا 9 وبعدها 8 وكده لحد ما يبقى كل كاااااااااااااام يوم

لو ما ينفع تشتغلى ولا تدرسى يعنى خلصتى دراسه.....
العبى رياضه الرياضه هتهد حيلك مش هيبقى لعقلك فرصه
لو ما ينفعش اشتغلى فى البيت حتى لو عندك شغاله
نظفى اطبخى

اقولك حل ظريف كمان

كل ما تجى لك الفكره نطى من مكانك وطلعى دولاب لبسك كله ارميه عالارض ورتبيه تانى
كل مره تجى لك الفكره دى
او اقولك نزلى دولاب الاحذيه وهاتى ورنيش ولمعيهم واحده واحده.....

نطى فى مكانك واهو يا ستى منها ابعاد التفكير عن دماغك ورياضه

وكونك هتبقى بارده بعد الجواز ما اعتقدش حبيبتى هو مش خزان مليان لما تستعمليه هيخلص
الفكره انك ممكن بعد الجواز ما يبقى استمتاعك الا بالطريقه دى يعنى ترفضى جسم الراجل ويبقى كل همك امتى هيخلص عشان انفرد بنفسى واعيش عادتى مع نفسى
تخيلى الوضع ده هيؤدى لأيه:
هتكرهى الجماع
وهتكرهى جوزك وجسمه
هتحسى ان الجماع عبء مقرف عاوزاه يخلص بسرعه
هتتهربى من جوزك ومن انه يلمسك
هتنضغطى بزياده لانك هتعيشى حياتين واحده مع راجل كارهه جماعه والتانيه بينك وبين نفسك
جوزك هيحس بده وهيزعل
بعدها يزهق
بعدها يطق منك وتحصل مشاكل كتير

ارجو اكون افدتك وعذرا عالاطاله

__________________