مشكوره ام لؤى
اه وبالفم المليان وبعلو صوتى شغلنا الشاغل الاحمر والاخضر وده هيرضيه وللا ده هيهنيه...........
يا ام لؤى حرام عليكى الدنيا مولعه فى نافوخى خلقه
المهم عارفه ليه شغلها الشاغل
النهارده ادخلى اى قسم يعجبك متزوجين او مطلقين وخدى اى موضوع عينه عشوائيه وعدى عدد المشتركين
شوفى كام ه واحد قال ليله رومانسيه ، بالحنيه ، باللين ، غيروا اجواء ، البسى واقلعى ، نيمى العيال بدرى
اللكلام ده مش خبط لزق فى اول المشاركه بالعكس ده بعد صفحتين كلام فى الصبر والقوه والاحتمال والجلد ونصايح ووصايا
اخر سطر بقى اللى فيه الشفا ده اعتنى والبسى والكلام السابق كله
شوفى اى مشكله بخصوص الخيانه هتلاقى برضه الصفحتين اياهم واخر سطر ما انتى لو مهتمه ما كانش سابك وبص بره برضه البسى واقلعى وووو
اللى بينطبع فى ذهن اى انسان اخر جمله واللى هى المفروض بتلخص الكلام
واللى لخص حل اى مشكله لخصها فى ايه فى السطرين الدوا دول
مطلوب منها تفكر ازاى بعد كده
اذا ملينا ودانها ودماغها ان الراجل يا حرام طفل لو ما عملتلوش اللى ما يتعمل وليالى بكل الالوان ، هيروح باى مع واحده تانيه تشاور له بمصاصه
طبعا لازم كلنا نشترى المصاصه وكل الالوان ......ونصنعها ونغلفها ......
بعد كل ده بتسالوا ليه بقى شغل شاغل للست؟؟؟؟؟؟؟
__________________
ليس كل ما يلمع ذهباً