شيء واقعي و نحن نعيشه أو نسمع عنه
"]
الى كل الاعضاء الكرام اتمنى تتناقشو معايا في دا الموضوع واتمنى اني القى حل ولو جزاء بسيط
بس رجاااااائا مو تقولو نظرتك سوداويه انا من دحين اقلكم مو سوداويه اكثر منها وااااقعيه
في سؤال كتر دي الايام وسرت ارددو في نفسي كتير واسمع بغض الناس يرددو زي
ليييييييييييييييييييييييش الطيب معد سار لو مكان بدي الدنيا ؟؟؟ ليش الطيب ينقال عنو اهبل وعلى نياتو ؟؟؟؟
لييييييييييييش الطيب ينظلم كتير ؟؟؟؟هل ممكن نقول عنو لانو طيب حظو قليل في دي الدنيا
سمعت بنات كتير بالمنتدى دا وغيرو وخصوصا المطلقات او الي زوجها معدد عليها انها مظلومه وانها تكتب عشان تلقى اما احد يصبرها في المصيبه او يلقالها حل بس للاسف مانلقى حل مالنا غير اننا ندعيلها وبس؟؟؟؟؟؟؟؟؟؟
ليش مافي احد متمسك بحب ايام زمان ايام اجدادنا حبهم صادق دحين دا الشيء سرنا مانلقى
سار زواج الوحده كاانها بتنزف على قبرها مو مملكتها واذا سمعنا فلانه راح تتزوج اول كلمه تنقال الله يعينها لساعها صغيره ليش مستعجله على الشقى صح ولا لا دا الي بينقال
سارات الوحده تخاااااف من زوجها حتى بعض الازواج مافيهم امان ولا يعرفو انو زوجاتهم امانه عندهم اخدهم بكلمه من الله واخدها من عند اهلها الي فضلو يحافظو على بنتهم الين مجاء زوجها اخدها من عندهم وهو مضيعها بكل سهوله مايحافظ عليها وسار بسهوله يطلقها ويرميها عن اهلها لا ومو بس كدا هيا واولادها الي هما اولادو كمان ولا يسال عنهم ولا يشوف ايش يحتاجو ماادري ايش او اي نوع من الازواج او الابهات هدولا دولا كيف راح يقابلو الجباااار رب السموات والارض يوم القيامه لما يقلو فين اولادك كيف ضيعتهم دا كلو راح يتحاسبو عليه ويفكرو في نفسهم يتزوجو وبعدين يسحبو الاولاد من عند الام ويحرم الزوجه من اولادها حسبي الله عليهم كيف تيجي الجرى او القوى انهم يبهدلو زوجاتهم الي عاشو معاهم عشره عمر بينهم ايام حلوه وايام مره وبينهم اطفال مالهم ذنب توقف الزوجه في المحكمه هيا وابوها او اخوها عشان تطالب باانها تشوف ولدها او بنتها يااااااااااااااااااناس خافو الله دي ام انت ترضى احد يحرمك من امك من حنان امك ؟؟؟؟ ليش اي زواجه تبدى بزفه وفرح وبسطه ونهايتها محاكم وقضايه وشرطه ياناس خافو الله دا كلو انتم محاسبين عليه
يااناس في نااااااس مايخافو الله بجد
انا نفسي اعرف ايش صار بالرجال طبعا مو كلهم بغضهم وكمان الحريم
ايش خلى الدنيا بدي الطريقه
واذا لقينا ناس مبسوطين في حياتهم مايقدرو يقولو خايفين من العين والسحر والله العظيم انا ماالومهم بجد في يعض الناس مايخافو الله اذا شافو فلانه مبسوطه مع زوجها ياحسدوها يا سحروها وفي النهايه دمرو اسره بكاملها حسبي الله عليهم ونعم الوكيل
ياناااااااااااااااااس ياهو في بعض المطوعين ماادري ايش اقول الله يكافيهم من عندو ماااايمدو للطواعه اي صله غير المظهر الخاجي الديكور بس ولا هما حسبي الله عليهم داسين الخراب تحت مسمى مطوع بس وهما الي مشوهين سمعت المشايخه الي يعرفهم اغلب الناس زي الشيخ بن باز الله يرحمو الي مافي عامي الا يعرف الرجل دا من الخير الي قدمو لدي الامه والشيخ ابن عثيمين و ابن جبرين الله يرحمهم جميعا دولا الناس سؤال مايخافو الله مايعرفو انهم يشوهو سمعة العلماء والمشايخه والاسلام حسبي الله عليهم ملييييييييييييييييون مره
ماادري ايش اقول بس بجد احنا في وقت بس يشوف الواحد حال اغلبيه الناس ويبكي والله العظيم
انا ماتكلمت من شيء بس يااااااااااااااااعالم اتقوا الله
يارجال يانساء ياشباب ياشابات ياامهات يااباء كلكم محاسبوووووووووووووووووووووووووون امام الله
انا لو بدي اكتب ماراح اخلص من الاشياء الي شيفتها قدامي بس مااقول الا الله يغفرلنا ويرحمنا
انا اسفه امكن طولت في موضوعي بس الله دا هو الواقع طبعا مو كلو بس اغلبو
اتمنى محد يفهمني غلط انا بتكلم من حرقتي انا امكن مااعرف انسق الموضوع بس وربي اتكلم بالي انا حاسه في وشايفتو ]
الإشراف/تم اختصار العنوان و كتابته بالفصحى
التعديل الأخير تم بواسطة أطيـــــــاف ; 19-12-2009 الساعة 10:49 PM