منتدى عالم الأسرة والمجتمع - عرض مشاركة واحدة - نقاشي انا و زوجي حول ملابس الطفل الذكر والبنت شاركوني

21-12-2009, 01:25 AM

ماريا

عضو المنتدى الفخري

تاريخ التسجيل: Jul 2006

المشاركات: 10,538

اهلين ملك
مبروك الحمل اول شي ما بعرفك حامل

و تاني شي موضوعك كان بنكتب بسطرين

و انا عم بقرأ موضوعك عم بضحك و بتزكر أختي لأنها بتحكي متلك كتير بتدخل بالتفاصيل
ما بتعطيكي الزبدة

المهم....

و الله يا ستي الله يسامحهم اللي خصصوا الألوان لكل جنس صدقيني كلها أغراض مادية !!

انا أكيد لو كنت مكانك كانت رح تحز بقلبي شوي لأني اول بنت و تياب البنات كتير أحلى من الصبيان

بس صور الأطفال بأول 3 شهور فعلا مو حلوة متل بعد 3 او 4 شهور

و الطفل بأول 4 شهور بضاعف وزنه متل ما بتعرفي و لذلك المدة مو مستاهلة انك تشتري لبس جديد لأنه مدة رح تمر بسرعة

ومشان الطقس اذا كان حار ممكن تتركيها بدون البيجاما يعني فقط بالقميص لكن ما بظن يكون حار على الطفل لهالدرجة اول كم شهر لازم يدفى البيبي
و ممكن انتي بطريقة او حدا من اللي رح يهدوكي هدايا الولادة ممكن اذا سألوكي شو بتحبي نجبلك قوليلهن كذا و كذا

و الله يتمملك حملك و ولادتك على خير

__________________
.
.

استودعتك أهلي في سوريا يا من لا تضيع ودائعه