أنا ما عملت منها مشكلة ، لا أحد يفهمني غلط
ترى أطخكم بمسدس موية ، و لا عاد أحكيلكم شئ مرة ثانية

بس الموضوع مضايقني لإني فاهمة حركات زوجي :

1 - زوجي ذكي ماشاء الله في الشئ اللي لصالحه فقط ، يعني مثلا جاب لي هدية عطر زماااااااااااااااااااان صغيرة مرة
و نفس الوقت جاب لنفسه عطر من الحجم الكبير وو المااااااااااااااااااركة و مو أي ماركة ماشاء الله ، ماركة عالمية و اللي
أول شئ تنزل ، فيضرب أكثر من عصفور بحجر واحد
( أصلا لإني كاشفته فيجلس يضحك و يقول إبليس ما يقدر يضحك عليك )

ماني حابة أتفصل بالموضوع هذا ، بس عشان لا أحد يقول اتركيه براحته و لا تدققي ،
يعني وحدة شايلة مسؤولية البيت و كل شئ ، و زوجها يرمي فلوسه على العطور ، ماحد يرضاها ،،
و الحمد لله إني عالجت المشكلة هذه من زمان

-----------------------------------------------------------

2 - بأشرحها بالتفصيل :
هو عنده عطور و عود ماشاء الله و نفسه في عطر جديد من أسبوعين و انتبهت عليه من أول ، كانت الظروف المادية شوي
تعبانة ، عشان مشاكل الملحقية و فواتير تراكمت عليه (يعني عنده عطور ، و أنا عندي الحمد لله ، بس كذا نفسه في عطر)
و أنا جالسة أضغط على نفسي من كم شهر عشان أساعده في تسديد الفواتير اللي عليه

فقال بداخله :
أنا لو جبت عطر دحين لنفسي ، راح تقول زوجتي ، يعني بأحرم نفسي عشان تجيب عطر لنفسك و عندك عطور ؟؟؟؟؟

قال بداخله ، أضرب عصفورين بحجر :
أجيب عطر هدية لها ، و ما راح تتكلم و منها تفرح إني افتكرتها بهدية ، و منها استخدمه أنا و يرجع لي في الأخير

أعرف تفكيره ، لإنه هذا تفكيره مع الناس دايما ، فيقول لي ما ينضحك عليك إنت ،


فزعلت ، أقصد تضايقت وقتها لإنه الموضوع عادي مشيته :
لإني حسبته تغير و إنه افتكرني بشئ ، و بجددددد فرحت بالهدية حتى لو كانت عينات صغيرة ،
بس يوم شفت حركته اللي عملها ، ( فهمت على طووووووووول إنه جابها لي عشانه مو عشاني )

و بعد كم يوم يخلصها ، و يروح يشتري لنفسه ..
يعني بدل ما يجيب عطر لنفسه الشهر هذا ( كويس صارت بالشهور ، أول بالأسابيع :14
و يخلص العطر و يجيب الشهر التاني عطر جديد له ..

يقول ، أضحك على مخها و أجيب لها عطر على إنه هدية و أستخدمه و أخلصه ( يعني هو أصلا لنفسه )
و بس يخلص ، أجيب تاني غيره



يعني بإختصار ، حزّت علي نفسي ..
بس ما عملت منها مشكلة ..