حماد
قصتك بصراحه عاديه ومنطقيه جدا جدا
عاديه من ناحيه واحده ان مستحيل مستحيل مستحيل الاهل يرضوا بان ابنهم يتجوز واحده ساكند هاند..........دى رؤيتهم لها......
هم عاوزين لابنهم احسن واحده لو يطولوا يحجزوها ويربوها له من قبل ما تتفطم كانوا عملوا ده
العادى كل الاهالى كده
تحياتي ,, بصراحة يا فتوشي انا عارف الكلام الي بتقوليه انو صح لكن انا ثقتي بالله ما جى اختياري من عبث ولا من فراغك وما في انسان بيحب يرطبط مع انسانة سيئة انا لو ما عرفت اخلاق البنت ما رضيتها لنفسي
وبعدبن حكاية هم عاوزين احسن وحده لابنهم اتوقع انو احنا الحين في زمان المرء بيقدر مزبوط سعادته وتعاسته وين ومع مين
انا لى بصراحه ملاحظه وحيده على تصرف الاهل هنا ومش فى قصتك بس لا فى كل القصص اللى من النوع ده الاهل اللى بيرفضوا او يقبلوا ويحددوا
ده الرسول قال مامعناه لاعبوهم سبع وادبوهم سبع وصادقوهم سبع ثم اتركوا لهم الحبل على غاربه
طبعا انا للاسف مش حافظه الحديث بس ده معناه
يعنى بعد سن ال21 مش المفروض غير انى اقدم لابنى النصيحه
يا ابنى اختيارك عيوبه كذا وفوايده كذا.......وانت عاقل تختار انت حر .....
وعليك تحمل تبعة اختيارك ده
ولو مصر انصحه واقف جنبه حتى لو مش موافقه ولو انا شايفه اللى هو مش شايفه احاول عمليا اوضحه له
وانصحه طيب على الاقل لو مصر اوى كده بلاش تخلف لمدة سنتين على الاقل عشان لو لا قدر الله حصل فى الامور امور ما تظلمش اطفال كمان
اتمنى انى اعمل باللى بقوله ده لما يحين موعد ابنى فى الاختيار اتمنى انى ما اكونش بقول كلام وبس والواقع يغيرنى
انا بس عندى استفسار بسيط اوى
لك وللكل فعلا حاجه تاعبانى او مش عارفه اوصل فيها لحل
ولا تقل لهما اف ولا تنهرهما وقل لهما قولا كريما..........ده كلام ربنا
حتى لو كانوا كفار عاملهم باللين
بس فى اختيار الانسان فى الحياه كالزواج مثلا ...هل يحق لهم انهم يغضبوا عليك لو انت اتجوزت بنت محدده او ما اتجوزتش بنت محدده
انا ما قلتش تعصاهم
بس من بعض الحالات البنت او الولد سمع كلام الاهل وفشل ولما جه يقول الحقونى مش انتوا اللى اخترتوا بيكون الرد وهل اجبرت او حد قال لك توافق وبينسوا او بيتناسوا تماما كل ضغوطهم النفسيه والماديه احيانا؟؟؟؟؟؟؟؟؟؟؟؟؟
انا مش بعصى حد على اهله اطلاقا انت كنت طالب حلال .........
وكان فيه حل سهل بدل ما تخطب غصب عنك وتتجوز شفقه على والدك كنت قول يا جماعه انا مش هتجوز خالص
هل ابوك هيغضب عليك عشان مش هتتجوز!!!!!!!!!!
هل عدم رغبتك فى الجواز تغضب ربنا؟؟؟؟؟؟؟!!!!!!!!!
هل لو بعد الشر كان ابوك توفى وانت كملت جوازتك ......هل كنت بعد فتره هتبقى مبسوط بالعكس هتقول انا ايه اللى خلانى اوافق؟ما الاعمار بيد الله وانا اللى شايل القرف لوحدى ماحدش حاسس بى
دى تضحيه بمين عشان ايه؟
عشان ربنا يرضى عليك ...حلو اوى انك رضيت ابوك وامك بس هياخدك بذنب اشد ظلمك وكرهك لزوجتك المفروضه عليك واحنا عارفين الكره بيبان وبيستفحل
هيحاسبك بظلمك لاطفالك لو كنت خلفت
عامه البنت حبيبتك دى ماغلطتش لما اتجوزت لان بصراحه انت تخليت ......كنت منتظر منها ايه ؟ تعرف انك خطبت وتقول برضه هستناه؟ اكيد لاء
عامه قدر الله وماشاء فعل
ما لكش نصيب فيها والله اعلم الخير فين....
ماتزعلش يا حماد منى بس فعلا انا شفت مآسى والله العظيم من ضغط الاهل واجبارهم بطريقه او اخرى على الزواج من شخص معين........واللى دفع التمن ناس مالهاش اى ذنب خالص
وقل لن يصيبنا الا ما كتب الله لنا