اطياف ... لو جه ابنك (بعد الشر عنه الف مرة ) وحكالك حاجة او موقف تحرش بلغة بسيطة وقلق وقولتيله بلاش نقذف الراجل ونظلمه وشكلك فاهم غلط !!! لازم يكون في شهود
هتبقي بجد كدا بتدمري ابنك جامد
وفي حاجة كمان انا مش عارفة الملابسات القانونية دي ليها اساس ديني ولا لأ هو عندنا لو واحد شاف مراته مع واحد في السرير وقتلها مش بيتحكم عليه بحاجة !!
ومش لازم شهود !!!
وبعدين طيب هو بيصحيه ليه أساسا .. ابوه طلب كدا ولا بيصحيه عشان يشرب ولا عشان ايه !!
وغير كدا يعني اكيد صاحب المشكلة مش هيفكر بسوء نية في صاحب عمره ابدا من البداية .. لو هو صديق عمره ايه اللي هيخليه يبص من على الموقف بنظرة تحتمل السوء اساسا من الشباك ... الا لو فيه حاجة فعلا مرعبه
انا بقولك بس يا أطياف لإنه لو انا صدقت حدسي ومشيت من المنطقة وكان حدسي خاطئ فأنا هخسر صاحب بس وصداقة عمر وربنا برده هيعوضني بإذن الله
بس لو انا كدبت الحكاية ومشيتها وقولت اظن ظن حسن في الراجل ... وكررها كمان سنتين عشان الاحتياط ويكون الموضوع اتنسى.. هلوم نفسي وهبتبقى بجناية.. ده لو عرفت اصلا ... خصوصا ان المتحرش شخص طيب وذكي جدا (خصوصا لو كبير) وبيستدرج الطفل بأساليب كتيرة ..يعني حتى الطفل بيكون مش مستوعب الفعل الشائن .. لأن الطريقة في الاستدراج جميلة وطيبة
وعمرنا مانقول العيب من الطفل انه مش فاهم .. واننا ماوعناهوش كفاية ... لأ .. الاشخاص التانيين بيكونوا شياطين
ومتدايقيش مني .. انا بس بوصل اللي في قلبي .. مش أكتر