اسمحي لي، انت تجيبن الكلام لنفسك ، وانتي الي تبين تسببين المشاكل...

وطيب اذا كلمك كأنك رجال،، وش فيها؟؟؟ عيب ،، حرام؟؟؟ اذا موب عيب ولا حرام فمالك عليه كلام.

انا شخصياً تتصل علي زوجتي احياناً ارد واقول لها،،، الله حيه،،، كيف حالك وش اخبارك؟؟؟ هل هذي معناتها اني قللت من قيمتها او قللت من احترامها، احياناً فعلاً تطلع لا ارادياً من كثر مكالماتي مع خوياي وربعي، ولكن زوجتي لما تسمع لكنتي كذا اكلمها كرجال، تقول عندك احد يا الله اكلمك بعدين، او انا اقولها لا عادي طلعت من غير قصد..

يعني انا وهي عرفنا طبع بعض من كل النواحي ، ومن ضمنها ها النواحي،، ولكن اما انك تقولين ليش يكلمني كرجال فرأيي بكل صراحه مافيها اي شي.

يعني انتي لو اسمك مثلاً مها وحب مره او جا في بالك يناديك مثلا نوره او سعاد او حتى حصه،، بتزعلين ، بتقولين ليش ماتناديني بأسمي؟؟؟


اما على مسأله تسكير الخط بوجهك، ممكن تروحين تفاتحينه بموضوعك الي علقتي عليه با التليفون ، وتقولين له ترى الي سويته غلط، انا غلطانه وانت غلطان. وصدقيني تنحل المشكله.

لابد احد منكم يبدا بحل الموضوع، وبا الذات انتي لأنك السبب.

تعوذي من ابليس ولا تكبرين السالفه ، ولا تخلين التغيرات الفسيولوجيه تسبب لك مشاكل مع نفسك ومع الاخرين، واهمهم زوجك وعيالك وبيتك.

الله يوفقنا ويوفقك.

__________________
ديمـا الله يصلحها ويهديها كبرت، وبدت تحبي، وتحاول تمشي بسم الله عليها.
هبلت بي وطلعت الشيب في راسي، الله يعيننا على امانه تربيتها، ويعينها علي. اللهم اصلح لي النيه والذريه.