بوصي يا فتوشي ... انا لما دورت على طريقة عمل الجريش
لقيتها تقريبا نفس وصفة الكشك الصعيدي اللي بنعمله الفرق هو في الجريش نفسه
يعني الكشك الصعيدي بيبقى مدور وناشف ومملح
وادي صورة من عندي
وبتنقعيه في ماية لمدة نص ساعة (بتاع 5 وحدات منه كدا) لحد مايفك وتصفيه .. وعلى فكرة بعد مابيفك بيكون شبة الجريش !
وبعدين في مرقة الفراخ تحطيه يغلي شوية لحد مايستوي ..
تكوني مدوبة شوية دقيق مع علبة زبادي (في ناس بتحط حليب بدل الزبادي بس الزبادي احلى ) وتحطيهم عليها لحد مايمسك زي كشك الماظة كدا
وفي النهاية ملعقة سمنة على بصلة محمرة ... وتحطيها فوقيهم وتقلبي
وفي ناس بتعكس .. تحمري البصلة وتحطي المرقة عليها وتسوي الكشك والخ..
وفي ناس بتحب تعمل جمبها دمعة زي بتاعة الكشري
والجريش نفس القصة بس بدل الكشك الصعيدي تقريبا بيحطوا كباية او أقل على حسب الكمية .. وكمان لاحظت انهم بيزودوا كمون ... وفلفل حار أخضر ..ونفس الحكاية في ناس تحب تفتفت فراخ واللي بيفتكسوا ويحطوا جبنة كيري والخ ..
انا الكشك ده بعمله لما بكون مستعجلة اوي وفي نفس الوقت وجبة مفيده.. وكمان في ناس بتحب تعمله بالبيض كدا لوحده
بس انا لما دقت الجريش لقيته زيه بالظبط .. بس هو بالنسبة ليّه كنت حساه اموع شوية .. الكشك تحسيه مالي مركزه .. وكل واحد على حسب ماتعود
التعديل الأخير تم بواسطة helwaya ; 24-12-2009 الساعة 06:15 AM