اهلا وسهلا اخي في بلدي الاردن:
المطاعم:
انصح بمطعم جبري او ارض الديار ( نفس المطعم بس احداهما شعبي ورخيص ) بدون جلسة راقية والاخر جلسته افضل بس الاكل واحد اطلي منسف او اوزي .
اذا كنت من هواة الاسماك هناك مطعم بشارع المدينة المنورة اسمو المحيط غالي شوي بس هو افضل مطاعم الاسماك
في مطاعم كتيرة مميزة بس اذا كنت من هواة المشاوي يوجد مطاعم عمان الكبرى بصدق رائع
الشاورما : انصحك وبشدة من شاورما ريم لها فرعين بس الافضل جبل عمان صح محل صغير بس طعم خيال
اذا كنت من هواة التراث فهناك اكتر من مطعم ريم البوادي تقريبا افضلهم التكلفة للشخص اقل من عشرين دينار اردني نس مشاوي بستحق وقعدة حلوة
في مطعم تاني اسمه كان زمان تراثي واكلو لذيذ بس شوي بعيد انصح بريم البوادي
مطعم قرية النخيل مميز بس الان الجو بارد لانو على جبل وجلسات خارجية رائعة
لن انصحك بمطاعم البراندز فهي متشابهه بجميع الدول
الملابس :
من الممكن ان تكون وجهتك جبل الحسين تنوع واسعار رخيصة
او الصويفية ماركات بس اسعار مرتفعة وزادت لوجود الاعياد
من اجل بدلات رياضية في محلات sport land اعتقد نوعية جيدة ( سي تاون )
التحف :
اذا كنت من هواتها مثلي انصحك بزيارة البلد في اكثر من مكان ولكن المميز الافغاني وله فرع اخر في الجاردنز .
لا تعتبر زيارة للاردن بدون زيارة
البحر الميت ( الان الجو رائع ) جرش والبتراء ( اتوقع الان برد ) بس حرام تيجي على الاردن بدون ما تشوف البتراء
البلد اشي ضروري
ملاحظة : التكسي المميز هو اعلى اسعار من التاكسي الاصفر العادي
ايه خدة احنا جاهزين