ما بعرف اختي اللي في مثل وضعك من وين بتجيب الصبر ؟؟ .. نفسي الرجال اللي بقولو المرأة ما لها تعليم ولا عمل يجو ويشوفو وضعك .. زوج ظالم وأهل سلبيين ... شو تعمل المخلوقة ؟؟

تسكت وتستحمل .. ربنا ما رضي بالظلم .. واللي ما بحارب الظلم بيكون اذنب بحق نفسه ودينه ومجتمعه !!!

ليش دايما المطلوب من المرأة تكون سلبية ومتهاونة ؟؟؟ ، ليش بنتبنى كل الوسائل اللي بتمنع عن المرأة خيارات بحياتها وبنربطها بأثقال وبنرميها ببحر الدنيا ونقولها اسبحي ؟؟؟ ... يعني شو الخيارات اللي عند اختنا ؟؟ .. معيشة بذل وهوان عند الزوج يا اما عيشة ما في الها حق فيها الا الأكل والشرب والنوم عند اهلها!!

انا اسفة اختي بعرف ما عطيتك حل ، بس والله مخنوقة وما قدرت ابلع ...

ما في عندي الا ادعيلك ... ربنا يهدي سرك ويرحمك برحمته الواسعة التي لا تغادر صغيرة ولا كبيرة ويلهمك الصواب...وزوجك لا تتحديه ولا عبالك ، تجاهليه تصرفي انه رجل مجنون فاقد العقل معك في البيت وتجنبي تثيريه ، انت اعرف مني انه لما الرجل ينزل من عين الست ما عادت لا تشوفه ولا تعتبره عايش من اساسه.

لا حول ولا قوة الا بالله العلي العظيم ... وربنا لايبارك بالظالمين!