السلام عليكم...

اول مشاركة لي في هذا الموضوع مع اني دخلت المنتدى عشان موضوع ثاني سبحان الله..نصيب.

اول شي انا مطلقة من اربع سنوات وشوية,,,

للمعلومية صيته.. الي تقدم لي بعد طلاقي اكثر من يوم كنت بنت حتى اهلي وجماعتي مستغربين..

وتقدم لي الاعزب <<<<<<<<وعمرة ماخطب وصغير.

والمطلق والارمل والمتزوج والشاااااااااااااااااااااااايب.

ليش الشخصية تفرض الكل عارف سبب طلاقي وعارفين اخلاقي وعارفين عقليتي والي اتقدمو لي كانو يدورون على هالاشياء ماكان همهم بكر او صغيرة اواي شي ثاني ..مع العلم اني سبق وانجبت..

بس انا اخرت موضوع الزواج لاني تو كنت والدة وكنت ابي طفلي تكبر شوي وكملت دراستي والحمد لله.
والحين إن شاء الله باتزوج قريب..

والشخص الي راح ارتبط فيه وافقت علية ليش على بناء انه اعزب او مطلق او ارمل وافقت عليه لانه ملتزم ويخاف الله ووافق على ظم طفلتي معي<<<<<<<وهذا اهم شرط وسبب رفضي للبقية.
وهو متزوج (ياويلي من النسوان) التعدد حلال وانا افضل المتزوج على غيرة لاشياء كثير..
اولها ماعنده عقد ولا يخاف من كلام الناس
والزواج قسمة ونصيب واذا الله اراد وكان مكتوب للبني ادام رزق بياخذه هو نفسة ماياخذه واحد غيرة .

واتوكلي على الله وتزوجي المتزوج لانا في مجتمع التعدد امر عادي يعني لاتسمعين الي يقولك الولى بتحاربكي وماعرف ايش!! انتي قفلي عليك بابك وخلك في حالك انتي وزوجك واعتبريها اختك او اخته والله بتريحين راسك واكسبيها في صفك بالكلمة الحلوة والمعاملة الحسنه . ونصيحه اخيرة دام رضيتي بالمتزوج زوجك يكون ملكك في بيتك بس!ولاتحاولي تثيرين غيرت زوجته لان كسر الخواطر حرام وحطي نفسك مكانها وبتكسبين باذن الله.