السلام عليكم ورحمة الله وبركاته .....
أخواني وأخواتي أعضاء المنتدى أنا جديدة بهالمنتدى وماسجلت فيه إلا عشان أطرح عليكم مشكلتي
لعلي أجد إجابات تطفىء حيرتي ..
انا متزوجه من سنة وبضعة أشهر وزواجي لم يكن تقليديا ..كان زوجي يبيني ويحبني فخطبني ثلاث
سنوات وانتظرته وتزوجنا .. وأنا أحببت زوجي بعد الزواج حب كبير لأن زوجي طيب معي وحنون هذا الي
أحسه وأشوفه والآن أنا حامل منه << دعواتكم لي بأن يتمم لي ربي هذا الحمل .
المهم من ثلاثة أشهر تقريبا رأيت رسالة مرسلة في جوال زوجي كاتب فيها ((يقولك فلان لاتتصلين هوه
بيدق عليك )) أنا ناقشته وبكيت فأقسم لي أن هذي الرسالة ماتخصه وأنا تخص ولد عمه ..
انا صدقته ونسيت هذاك الموضوع تماما لأني أثق في حبه لي .
في هذي الفتره أنا أروح مع زوجي لشقه واقعد معاه فتره واروح وارجع معاه بعد فتره ...بسبب ظروف
المهم إني لمن رجعت )
لقيت برقع تحت خداديات الكنب وسألته قال مايدري وماكان مهتم قلت يمكن من الناس الي قبلنا مع اني
المره الي فاتت ماشفته بس قلت يمكن ..
وقمت ارتب الشقه وقمت القط الزباله واقط العصاير شفت علبه عصير طابع فيها روج ؟؟؟!!
رحت واجهته وقام يحلف ويقسم أنه مايخوني وأنه ماكان بالشقه وانه كان برحله مع أخوياه وقالي هذي
العبارة (((ليش اروح للحرام واقابل بنات ..... وعندي الحلال )))
وقال ان ولد عمه كان بالشقه ... والله ماادري ايش الصدق والله اني في حيره مايعلم فيها إلا ربي
ودي يخوني ع الجوال ولا أنه يقابل ويعاشر غيري .
وقالي شي ثاني قالي كلها أشهر وتجيني بنت كيف اقابل بنات الناس وانا بتجيني بنت (من دق باب الناس دقوا الناس بابه .. والله لو اني اشوف فيه مقومات الرجل المغازل ولا الجذاب كان ايقنت انه مال هالسوالف بس ماادري