تعرفت على شخص عن طريق الجوال(مستجداتي)
السلام عليكم ورحمة الله وبركاته
انا كنت ناويه اكتب لكم الكلام هذا بموضوع<< تابع تعرفت على شخص عن طريق الجوال>>
http://www.66n.com/forums/showthread.php?t=195946
بس لقيته مقفل واظطريت اني انزل موضوع جديد
على العموم انا صح تركته لكن مازال يرسل لي رسائل بعضها ارد عليها وبعض لا
والحمدلله مرت فتره وانا ماشيه اموري مع اني تعبانه شوي لأني فاقدته بحياتي
’’وشي طبيعي لأن مالي الا صديقه وحده قبل كنت اقوله همومي واسراري واذا ضاق صدري ادق عليه يسليني’’
الفتره اللي تركته فيها تعلقت بصديقتي كثير,, وقبل اسبوع قالت انها تحددت ملكتها انا زعلت ليش ماقالت لي انها انخطبت من الأول لأني صديقتها فحسيت انها خايفه اني احسدها او شي من هذا القبيل
صح اني تضايقت اني بفقدها فقلت ماعليه هاذي الدنيا الله يوفقها ومشيت وضعي مع اني مو مصدقه لحد الحين
لكن المصيبه الثانيه قبل يومين حبيبي ارسل لي رساله قال ((دعوتك لي قررت اتزوج والليله ملكتي))
انا انصدمت لأني ابفقد الأثنين كلهم بوقت واحد واجلس وحدي
وربي تعبت حييييل لدرجة الحين وربي جالسه اكتب لكم وابكي حسيت اني وحيده ماعندي احد
وصديقاتي القديمات كلهم اللي(( قاطعتهم و اللي تزوجو ))
والحين قررت اترك الكليه لأن ماعندي احد ومالي نفس لدراسه وكل اختباراتي زفت وربي تمنيت الموت مأدري وشلون ابعيش من دونهم
هي صح السبب بعلاقتي معه بس مازلت احبها ومحد يفهمني غيرها والحين ضايقه على الدنيا مع بداية السنه انها بتخليني وهو انا تاركته واضغط على نفسي اني انساه
لكن كل اللي بداخلي مانساه دقيقه واليوم قلت مالي الا انتم<الله لايحرمني منكم> اقول لكم كل اللي بخاطري لعل احد منكم يدعي لي او يقول كلمه تجبر خاطري و آسفه على الأطاله
أرجو من كل شخص يقرأ موضوعي يدعي لي بزوج الصالح لو بظهر الغيب
التعديل الأخير تم بواسطة وردة بين الثلوج ; 28-12-2009 الساعة 12:52 PM
السبب: العنوان ليناسب المضمون + إضافة رابط الموضوع السابق