صباح الفل يا بنات

يا رب تكونو بخير


زهورة يا حبيبتى حقولك على حاجة


"اعملى مش واخدة بالك"

و على اخت جوزك الصغيرة اعتبريها عيلة و بتهبل
بجد عيلة عشان اللى عنلته دا شغل عيال
و الكبار ميدقوش على لعب العيال ابدا و اذا على اخت جوزك اللى صحبتك
انتى متعرفيش مين قايلها تعمل ايه
يعنى ممكن مامتها قالتلها انها متقولش انهم كانو عندك و نسيت تقول لبنتها التانية
اصل اللى بيخبى حاجى مش بيعرف يخبيها كلها لازم حاجة منها تبان عشان مش بيعرف يحبك كل الاطراف
انتى المهم دول ناس حيفضلو فى حياتك و مع الاسف مش حينفع تغيرييهم ولا تغيرو طباعهم
يبقى نعمل ايه؟
نتعايش
تعايشى معاهم و استعبطى
و بعدين احمد ربنا بجد
لما بيعملو كدة و انتى بسم الله ما شاء الله عندك عيليين
طيب تعملى ايه بقى اذا مكانش عندك خاااااالص
كانو علقولك المشانق و شوفتى اللى عمرك ما شوفتيه
و ممكن برضو سؤالهم عن دورتك عشان عاوزيين يقولولك
و ممكن سلفتك هى اللى مش عاوزة تقولك
و ممكن احسن من دا كله
هم مش عاوزينك تعرفى لتزعلى انك لسة محملتيش و خايفيين لتفهميهم غلط بانهم يقلولك


انتى طنشى ثم تطنشى ثم تطنشى
و بعدين انتى ليه همدتى على موضوع الحقن دا؟
انتى مش كنتى جبتى الحقن و حطاهم ف التلاجة؟
مطلعيهم بقى عشان تفرحينا
يالا افتحى الموضوع مع جوزك و شوفى حيقول ايه؟
مش يمكن اللى بيحصل دا تكون رسالة من ربنا بتقولك يالا الوقت جه

ربنا يكرمك و يفرح قلبك يا رب


نيجى بقى للاخت دودى القمرة
يا حبيبتى متفكريش انك بقالك 6 سنين مافيش حمل
لأ فكرى ان ربنا اداكى فرصة اكبر انك تعيشى شهر عسل طويل مع جوزك و ان شاء الله ربنا يكرمك فى وقته
و ذى ما قالت دنيا الوفاء
طيب و اللى باقلها 12
ولا اللى اتجوزت متأخر و معندهاش وقت تستنى و تحاول
الحمد لله احنا احسن من غيرنا بكتييييييييييييير



يا بنات احنا جنس البشر فعلا غراب جدا
بنشوف اللى تحت رجلينا و اللى قدامنا و حطينه فى دماغنا بس
اكيد كل انسان ربنا خالقه عشان سبب فى الدنيا
بس احنا لا شيافينه و لا عاوزيين نشوفه
سبحان الله يمكن ابنتديت افكر كدة لما ربنا كرمنى بابنى
بس دا صوت الحق احنا لازم نعرف ربنا عاوز مننا ايه؟
مش ممكن عاوزنا نعطف على الايتام على العواجيز
عاوز مننا نراعى ولاد اخواتنا
نراعى امهاتنا او ابهاتنا لما يكبرو

سبحانك مقسم الارزاق

يا رب صبرنا و ارضينا باللى معانا يا رب
يا رب ارضينا


باقى البنات بحبكم فى الله


ربنا تقبل منا و اغفر لنا



رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة