منتدى عالم الأسرة والمجتمع - عرض مشاركة واحدة

27-12-2009, 11:36 PM

حرم المعلم

عضو متألق

تاريخ التسجيل: Nov 2007

المشاركات: 1,830

هلا نورا ماتتخيلين وشلون وقف قلبي وانا أقرأ عنوانك قلت يارب أنه موضوع عادي ومو شكوى
لكن الحمدلله على كل حال
سلامه قلبه يوسف فديته يابعد حياتي مايشوف شر ..
طبعاً أنا صار لي الان مع الاكزيما سنه و3 شهور
من خلا خبرتي الطويله واليوميه معها أكتشفت مايلي ..
الله يعينك على الفلسفه :
ترطيب بالفازلين في كل وقت
ملابس قطن 100 %
ممنوع لبس الصوف منعاً باتاً
ممنوع العطور الكريمات المعطره لانها كلها تزيد من تهيجها
ممنوع الشامبو والصابون والليفه عند الترويش فقط مويه
وعن كلام الطبيب لي مافيه شيء اسمه كريم او شامبو طبي
ممكن يتحسس من الاشجار الورد الثيل
سبحان الله تزيد مع الحر ومع البرد
يعني لاحظت انها مع البرد تكون جافه وتتهيج
ومع الحر كذلك
الاكل مما قرأت من خلال التجارب والصراحه ماجربت بالنسبه للاكل لان ولدي عنيد ومايأكل أساساً
البيض .. السمك .. الفراوله .. المانجو .. الشوكلاته .. الفول السوداني ..القرع .. الموز..الطماطم
المكسرات .. الاجبان أحياناً .. المايونيز ..الفول .. العدس

يعني مدري وش يأكل مريض الاكزيما
الله يعينه
000 طبياً ذكر لي الطبيب أن الاكزيما ليس لها علاقه بالاكل
لكن هناك تجارب عديده تأثرت بالاكل وتهيجت عندهم الاكزيما بعد أكل نوع معين
وسبحان الله مو كل الانواع تهيجها أحياناً يكون الشخص يتأثر بنوع معين ونوع مايسبب له شيء
أخو زوجي فجأه جته أكزيما سووا له أختبارات تحسس أكتشفوا أنها من جميع الاجبان!!!!!!

أنصحك سوي ليوسف أختبارات أحسن
بصراحه أنا مافكرت أسويها لولدي لانها أول شيء
جت لولدي وعمره 3 شهور وعنده فقر دم وخايفه عليه من الاختبارات لانها سحب دم والحين مازالت ومايأكل الى الآن اتوقع ان الاكل ماله علاقه باكزيما ولدي
ولدي بدت تخف معه يوم أستخدمت الكورتيزون لمده شهرين واذا تركته ترجع وهكذا ..
الخلاصه
مالك الا الصبر والدعاء والرقيه عليه يومياً
والترطيب بالفازلين كل شوي
بالنسبه لملابسه حاولي تغسلينه كذا مره بعد الصابون
وابعدي الملين واللينور
وحاولي اذا كانت مافيه وسخ اغسليها مويه فقط ..
زميلتي الطبيب حذرها من المجفف الحراري لملابس ولدها المصاب بالاكزيما

وفيه آيه كرريها عليه ذكرتها لي حبيبه قلبي أم جمانه الله يجزاها ألف خير ويصلح لها النيه والذريه
ويعطيها حتى يرضيها يارب
وصرت أكررها على ولدي يومياً ..
قال تعالى: { ارْكُضْ بِرِجْلِكَ هَذَا مُغْتَسَلٌ بَارِدٌ وَشَرَابٌ }
والله يشفيه ويعافيه وولدي وجميع المسلمين ..
أي سؤال أنا بالخدمه ..

__________________

من القلب كل الشكر لك بكر الشايب والله يرزقك ماتتمنين