اخى الفاضل زوجتك تعباااااااااااااااااااااااااااااااااااانه
مهدود حيلها مع طفلين مطلعين عيونها

اى اب ما بيقدرش يعنى ايه اطفال فى السن ده .............
عاوز تعرف يعنى أيه يعنى جنون
امى ابى اكل.......تحضر للكبير الصغيره عاوزه ترضع ......ترضع الصغيره الكبير عاوز الحمام توديه الحمام الصغيره عاوزه تتشال
غير تنضيف البيت وتوضيب الغدا والغسيل والعيال تحممهم وتنومهم ومرضهم وغضبهم عالاكل ورميهم الحاجات عالارض والبعثره كل شويه.......
انت تعرف ان زوجتك احيانا ماتعرف تدخل الحمام براحتها ولا تاخد دوش تتهنى بيه
هى غضبانه ومحقونه مش منك لا من العيشه والحمل اللى عليها
كل الستات كده
هى حاسه انك مش حاسس بيها يعنى الولد مثلا مبهدل البيت وانت تبعت تقول لها وحشتينى ياعمرى.......
لازم ماترد لانك فى وقت غير مناسب عملت عمل استفزها وحسسها انك ولا دريان بيها كل اللى تبيه الليل وبس.
عارفه انك بتحبها وانك بتبعت عشان بتحبها بس اقلب الوضع مثلا ...........
انت عندك تفتيش وحوسه بالعمل ودفاتر ضايعه وحسابات خربانه ويقولوا لك لازم عليك تفتيش وتبعت لك هى بحبك !!!!!!
هتحس بأيه؟
بصراحه وبهدوء .........هتحس انها فى ملكوت تانى رغم انك كل يوم بتشكى لها من العمل..........
بخلاف لو بعتت لك تقولك انا دعيت لك ربنا ييسر امورك ويعدى التفتيش على خير .......انت احسن انسان فى الدنيا ....بحبك
لازم هترد وهتبقى سعيد وهتحس ان برد وسلام نزل عليك

الحل بسيييييييييييييييييييييييييط

المشكله مش فى البر والبحر ولا فى الدونات وانها بتعمل حركات لا المشكله انها حاسه انك مش حاسس بالحمل اللى تاعبها ......
تقول لها نخرج .........طاب مين يقعد بالولاد وللا هتخرجوا بالولاد
ولو خرجتوا بالولاد دى مش خروجه ده غم وعبء عليها........معظم الستات بتفكر كده

انت جيب لها كارت حلو واكتب لها انك حاسس بتعبها وانك عارف انها بتبذل مجهود فظيع ما يقدر عليه حد غيرها وانها احسن ام واحسن زوجه وانك مقدر انها بتهلك فى البيت ومع الولاد
وعشان كده مثلا مثلا يعنى احجز لها جلسه مساج او كوافير او اى شىء تدلل فيه روحها تكون بتحبه وانك بالوقت ده هتقعد مع الولاد وما تحمل هى اى هم

مش تجيب لها هديه هاه........الهديه حلوه اه بس برضه مش هتشيل من عليها عبء
هى محتاجه حد يشيل شويه
وبس يا سيدنا وربنا ما يجيب بينكم زعل

__________________