السلام عليكم ورحمة الله وبركاته..
ممكن وصل موضوعك في الوقت المناسب.. انا حملت بنتي والحين عمرها 2ونص وشاء الله احمل مرة ثانية .. بس بعد ولادة بنتي كرهت الحمل واليهال والمعاشرة لانه سبب في حملي مرة ثانية وعشت حالة من الفوبيا والكرهه للمعاشرة لانه بتادي للحمل وبعدها الولادة وما ادراك ما الولادة شئ فضيع بمعنى الكلمة.. يوم دريت اني حامل بالتاني يعني وضعي الحالي صرت في حالة لا يعلم فيها الا الله.. بالبداية كرهت الحمل لكن تعوذت من الشيطان وحمد الله ولمت زوجي لما قال بس لانه كان يبي عيال.. مو من جاب لعيال من رباهم وصبر عليهم.. صرت اكرر عليه اذ واحد وجذي حالي شنو اثنين برغم انه الله يساعده يساعدني ويحمل عني اشياء وايد بس بمجرد ما افكر بالوضع اليالي تتحول حياتي لجحيم وصرراخ وبكاء.. شلون بتحمل هالمسؤولية .. صياح وسهر يعني برجع للمربع الاول.. بس الحمد الله.. لازالت في هم وخوف من الحمل الثالث بالرغم انني للحين ماولدت بالثاني يعني تخيلوا وعيشوا حالتي.. الله يعين بس