صباح الخير يا مشكلتى ......صباح الفل يا ست الناس
صباح الخير يا اختى صاحبه المشكله وربى يفرجها عليكى

بصى حبيبتى طبعا انتى مشكلتك مش هينه ، وواضح جدا جدا انك عندك ازمه كبيره وحاجه من اتنين يا اما مش قادره تسيبى جوزك لانك فعلا بتحبيه وميته فى تراب رجوله، يا اما فكرة انك فى مشاكل وازمه عامله لك حاله من النشوه انك مستمتعه بانك صابره وكويسه وست زى الفل ........ وكلامك كان فضفضه وبس

لو فضفضه وبس طبعا ده حقك وانتى حره فى تصرفاتك ، بس كان واجب تنبهى انها فضفضه وبس بدل ما الاعضاء فعلا اتخضوا عليكى ومعظمهم طول الليل اكيد انا واثقه كان مشغول يحل لك ازمتك ازاى وده بيبقى ارهاق نفسى فظيع على الاقل كانوا اخدوا الاتجاه اللى انتى عاوزاه انهم يواسوكى ويثنوا على صبرك وما يحفزوكيش ضد نفسك.

واذا بتحبيه ومش هتقدرى فعلا تسيبيه يبقى تعترفى قدام نفسك بده وتصبرى على الابتلاء وتحاولى قدر لامكان انك تتوافقى مع الوضع ده وتتحايلى عليه بأنك ما تخسريش بزياده.
وتدعى له بالهدايه

عارفه بقولك الكلام ده ليه؟
لانك قلتى انا اديته درس وأدبته !!!!!!!!!!
يعنى والله اتمنى ان حاله يتصلح وانك تكونى فعلا عرفتى تأدبيه ، وما يكونش بيبتزك عاطفيا

ما تزعليش من كلامى بس فعلا فعلا انتى صعبانه على جدا جدا ، ونفسى مشكلتك تنتهى
يارب يكون كلامك معاه بفايده

__________________