المشاركة الأصلية كتبت بواسطة روح الطير

من باب الواقع بأحكي عن تجربتي ..

أنا كنت أدرس و تقدم أكثر من شخص ، لكن ما كانوا كفؤ الصراحة ،،

و كانوا أهلي موافقين و كنت استخير و أرفض بحجة الدراسة و الحمد لله ما ندمت

حالتهم المادية كانت فوق المتوسط ، يعني عوائل ثرية

لكن كنت أبحث عن الدين + الخلق

و الحمد لله ما ندمت ، لإنه واحد منهم سمعنا بعدين إنه ماله مو مال حلال و انسجن بتهمة و كذا

و الثاني كمان زوجته تعيسة معاه و زي كذا


و تزوجت أنا و الحمد لله عن قناعة

( صح واجهتني مشاكل في بداية حياتي الزوجية ، و شئ طبيعي في أي حياة زوجية )

لكن يكفي إنه زوجي يخاف الله و بنتعلم من أغلاطنا ، و بأكمل دراستي ألحين و زوجي يشجعني

------------------------------------------------------

و وحدة أعرفها ، زميلتي المقربة مني

كانوا يتقدموا لها ناس و ترفض بحجة الدراسة ، لإنها تبغى شخص ( طبيب يكون ) مو أي وظيفة

و كنت أقول لها ، إذا واحد أخلاق و دين لا ترفضيه و ما تقتنع بكلامي

المهم ، تزوجت و الحمد لله بعد ما تخرجت ،،

لكن ماهي مبسوطة في حياتها و حالة زوجها المادية و وظيفته بسيطة جدا

بس هي كانت ترفض بحجة إنه مو دكتور ،،

---------------------------------------------------

فالزبدة :

إنه ممكن الوحدة ترفض بحجة الدراسةة ، لكن الحقيقة شئ تاني ..

يا تبغى خلق و دين ، زي ما كنت أفكر

يا تبغى منصب و مال و وظيفة ، زي ما زميلتي كانت تفكر

في الأخير ، هو نصيب


مو شرط العريس تكون فيه عيوب ، لكن لو تم الموضوع ما كنا اتفقنا

و نفس الشئ أخوي يوم كنا نتقدم و نخطب له ، اللي ترفض بحجة و اللي ترفض بحج تانية

و الحمد لله تزوج أخوي من زوجة رائعة و تتفق معاه ،، و وحدة من اللي تقدم لهم أخوي

تزوجت واحد مطلع عيونها و تعرفت بالصدفة على أهلها ، و يقولوا ليتهم قبلوا في أخوي لإنهم شايفين زوجة أخوي مبسوطة

بس هم كانوا يبحثوا عن ( الفلوس ) ، و أخوي الحمد لله حالته المادية ممتازة

بس يبغوا ( الثراء ) و لقيوا اللي يبغوه ، لكن بنتهم متبهدلة مع زوجها

----------------------

يعني مو شرط يكون فيك عيب ،، لكن النصيب لسى ما جاء