صباح الفل على احلى اخوات

ربنا يكرمنا و يفرح قلوبنا جميعا يا رب


ام يحيى ذى ما قالتلك دودى لسة بدرى يا حبيبتى على المنشطات
لساكى عروسة
متبهدليش نفسك على الفاضى
و حاولى تشيلى فكرة الحمل من دماغك دلوقتى حتلاقيكى حملتى على طول
ربنا يكرمك من واسع فضله


هموم فعلا كنا زمان مختلفين عن دلوقتى
بس شوفى يا حبيبتى عمر الموضوع كام سنة
و مر على اللى كانو معانا كام سنة زيادة حرمان
فاكيد النفسيات تعبت
سبحان الله
بس فعلا لازم نحاول كلنا اننا نتمسك بالامل و نعيش عشانه
سبحان الله اذا مكانش لكل واحد امل عايش ليه بجد الدنيا مش حيكون ليها طعم


ملوكة حبيبتى دايما سباقة بالخير
سبقتينى كنت عاوزة افتح صفحة لشوشو حبيبة قلبى
و يا بنات اللى منكم ميعرفش عاشقة الطفولة
بجد فاته كتير
انسانة عطوف بتحب الخير للناس قبل نفسها
و هى صاحبة فكرة التجمع دى و اللى فتحت اول جزء
و فعلا كانت على طول اخت لينا كلنا
و اكتر واحدة تواسينا فى همومنا حتى لو عندها هموم بتنساها عشان تكون معانا
ربنا يكرمها و يفرح قلبها لانها بجد تستحق كل خير



باقى البنات بحبكم فى الله
و ان شاء الله ربنا حيرزقنا من غير حساب




رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة