أختي دنيا الوفا

العاقلة الرزينة ، مسكينة .. تتزوج و مخها يطير من أفعال الرجال
<- مجربة

و لا تنسي الشيطان جالس بالمرصاد

-----------------------------------------------

مشكلتي أصدق ،، ماني عارفة إيش أدلعك ؟؟؟؟
شكشكة ينفع ؟؟؟

شوفي ..
مادري ليه تخيلت نفسي مكانك ، حسيت تصرفاتك نفس تصرفاتي
بس الحمد لله ، زوجي ما يشك أبداً ،، عشان كذا ماني قادرة أحط نفسي مكانك ..
لإني ما حسيت بذا الإحساس و يارب ما أحس فيه أبدا أبدا

المهم ..
سمعت أمس محاضرة للشيخ عايض القرني ،، ماني فاكرة اسمه ..
يقول لك ، مرة واحد مصري قال له ..

تعرف مين هما أسعد زوجين في العالم .. ؟؟؟؟

الجواب :
هو الزوج لما يقول زوجتي مجنونة ،، و الزوجة لما تقول زوجي مجنون ..

تلاقيهم أسعد زوجين بالعالم ..

إيش ما عمل الزوج ،، الزوجة تجلس تطالع فيه و تقول بداخلها ( مجنون ) ،،
خليه يتكلم .. و ما راح تدقق في كلامه ..

و إيش ما عملت الزوجة ،، الزوج يجلس يطالع فيها و يقول بداخله ( مجنونة ) ..
خليها تتكلم ، و ما راح يدقق في كلامها ..

و بكذا يعيشوا أسعد زوجين ..

صدقيني ، و الله أفضل طريقة مجربة ..

حتى إنه يوم سمعتها ، جلست أضحك و زوجي جلس يضحك ..
لإني ما ارتحت في حياتي ، غير يوم عملت طريقة تشبه اللي قال عنها الشيخ


فهو يوم يشك ، أو يبربر ،،
عادي ، ابتسمي بداخلك .. و قولي ( مجنون ) ..
و راح تلاقي نفسك بعد كذا ، مرتاااااااااااااااااااااااااااحة ..

هل نحن نحاسب المجنون على كلامه ؟؟؟
أكيد ( لأ ) ..

هو نفس الشئ ،، ( أنا ما أقصد أنتقص من قدر زوجك لا سمح الله )

بس هذه طريقة عشان نعالج نفسنا

جربيها مرة ، و بشريني

دحين قومي توضي ، و صلي ، و قولي اللهم استودعتك زوجي فاحفظه ..

الرجال إذا خرج زعلان ، هناك شباب ما يصدقوا يلاقوها فرصة يعبوا راسهم ..
و الرجال عقولهم صغيرة ، يصدقوا أي شئ .. ( مو كلهم ، عشان لا أحد يزعل )