شكرا ً لكم حبيباتي عالردود ...
عساني ما انحرم منكم ,
المعذرة ما بقدر ارد عليكم كل وحدة على حده
جايه اقولكم الي صار معاي
الي صار البارحة رحت للدكتورة ,,
وللأسف قالت لي دقات قلب الجنين متوقفه
يعني النونو حقي توفى
آآنا الي قلبي توقف يا دكتور آآنا مو البيبي
الله يساعد قلبي
والله تعبانة
تعب نفسي وجسدي
بعدي صغيرة ويصير فيني جذي والله ما اتحمل
اللهم اجرني في مصيبتي واخلف لي خيرا ً منها
اللهم اجرني في مصيبتي واخلف لي خيرا ً منها
اللهم اجرني في مصيبتي واخلف لي خيرا ً منها
اللهم لك الحمد والشكر
الحمد لله على كل حال
الحمد لله
رجعت البيت منهارة ,, عفست الدنيا وعبرت عن مشاعري الي كتمتها بالمستشفى
وطول الطريج من المستشفى للبيت ...
خاف علي زوجي واتصل في الماما جات اخذتني للبيت تتحمل فيني
واليوم طلعت من البيت عالمستشفى
من مستشفى التخصصي لطوارئ رايحيين جايين
والله تعبوووني ذبحوني ...
اثنينهم اخذوا مني دم يبون يجوفون سبب توقف دقات القلب
والي محيرهم الحين إن ضغطي مرتفع وايد
والدكتورة قالت انتي بعدج اصغيرة ماتبي تعطيني حبوب ضغط
آنا مو مستوعبة بعدي مصدومة بالي صار
ويطلع لي سالفة ضغط وتحليل دم وفحوصات
يالله رحمتك
بالختصر المفيد الحين دكتورتي قالت لي لج عشر ايام اذا مانزل الجنين
لازم آخذ حبوب تنزله ,, وبعدين اهي راح تتابع معاي وتجوف الاسباب والمشكلة الي خلت الجنين يموت
عشان بالمرات الجاية ان شاء الله وإذا الله كتب لي الحمل ما تتكرر المشكلة
والله المستعان
مادري شقول وشخلي
مصايب الدنيا فوق راسي
لو تجوفون وجهي شلون صار بهالكم ساعة
كبرت عشر سنين
سامحني ياربي
سامحني
اللهم لا اعتراض
اللهم إني لا اسألك رد القضاء ولكن اسألك اللطف فيه
يا كريم يا كريم
__________________
حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي
احبكم 3>
التعديل الأخير تم بواسطة منت عاجبني ; 31-12-2009 الساعة 12:32 PM