روح الطير
هذا آخر حل معه و بقول لك على شوية تفاصيل يمكن تغيري رايك

الله لا يذوقك جمرة عذاب.. أدري اني قلت بصير قوية و ماراح أطلع وراح أتحمل .. لكنه تمادى من جد

أهاني بكل ما تحمل الكلمة من مرار

كنت مريضة وحرارتي مرتفعه -- و زود البلاء ضرس العقل مأذيني وزود وجعي .. كان البيبي يبكي جا شاله -- قلت له خلني بريح لي ساعه و بعدها صحيني راح خمس دقايق ورجع يصارخ أنتي هنا وش شغلتك إذا ما منك فايده قومي روحي بيت أهلك .... الخ



قلت له حرام أنا مو ناقصه هالكلام ودايما أقوله إنا ماأبيك تجرحني أكثر .. لأني أتعب . دايما أقوله أرحمني شوي.. ومن جد حالتي ماكان تسمح إني أتحمل أكثر و اتحملت

يوم ثاني الله يكفيك الشر تجيني الدوره زياده البلاء هم



ويه و ينفلب كياني طلعت بيت أبوي أمي شافت حالتي قامت .. تقول أسطوانتها

وش فيك وجهك قالب مره مخسوفه وتتوجل على حالي وزودتها شوي ... انغبنت و مسكت حالي قدامها لأنها موعارفه وش اللي فيني





روحت بيتي و هم البيبي يبكي وحالتي حاله جلست أبكي معه .. منهاره ... كان الرجال ماخذ القيلوله صحا و ماانتبهت إنه واقف قدامي و شافني ابكي ..



تخيلي وش قال



ليه ما جلستي تبكي ببيت أبوك .. مع جميع أنواع السب .. أعطيته ولده ودخلت غرفتي

وجلست أبكي من قلب قلبي

لكنه جا و تمادى بالسب و الكلام الجارح و روحي بيت أهلك إنتي وحده ما منك فايده



بعدها أخذ راسي و ضربني بالجدار و جتني دوخه و مسكت حالي بعدها أخذ العيال و طلع

و أنا نمت ... وجا ونفس الإسطوانه رايح راد وهو يسب و بكل هدوء جهزت أغراضي و أتصلت على أخوي و طلعت وقلت له خبر عيالك إني مت


مو حرام ... يصير فيني ذا كله .. زي ما قلت لك يا روح الطير ترا هذا ما يحشم أحد ولا يحترم أحد -لا أمه ولا أخوانه ولا أبوي ولا أحد أصلا .. مالي غير هالحل و أنا ما سويته من راسي هو كان بعد يقول لي روحي وفي مين يقوم فيهم
.....

راح أرجع أقول لكم وش صار ...بس ياروح الطير ماودي أحد يقول ظلمت أولادي لأن وأنا عايشه مع أبوهم هم مظلومين أنا أحترم رايك وأنا ما جيت إلا عشان آخذ رايكم أقنعيني بكلامك وإذا عندك حل هاتيه

__________________
(أمن يجيب المضطر إذا دعاه و يكشف السوء)