كل سنة و انتم بخير

و ان شاء الله السنة الجديدة تكون وش الخير علينا كلنا بكل اللى نتمناه


زهورة انا سحلت منيكى يعنى مجبتيش سيرة الاستاذ "كريم" فى اخبار السنة اللى فاتت و الجزء اللى فات ، اعمل فيكى ايه يعنى؟
عموما انا احب اهدى النفوس حقوله ان خالتك زهور نسيتك و مقالتش الاستاذ كريم هـه
ربنا يكرمك بانك فتحتى الجزء الجديد و اجمل حاجة فعلا الارتجال كلام بيطلع من القلب و بيلاقى طريقه على طول للقلب


دبدوبة حبيبتى ان شاء الله تنبسطى فى ماليزيا و مين عارف حترجعلنا بايه
ربنا يكرمك و يفرح قلبك و يردك بالسلامة ان شاء الله


ام مرهوووووووووووونى
عاوزة اجى ازنبك على اللى انتى عاملاه
يا ست البنات ياللى بقالك 3 ايام بتعيطى
اولا صلى على النبى و استهدى بالله
ثانيا انتى دخلتى فى علم ربنا و خلاص جبتى النتيجة من الكنترول ان مش حينفع يحصل حمل الشهر دا؟
هو خلاص لازم بويضتك تنفجر اليوم الـ 14 ؟ مينفعش تنفجر اليوم الـ 15 او الـ 16؟
لااااااااااااااا يمكن يعنى؟
انتى عارفة ان كل يوم البويضة بتزيد 0.2 يعنى 0.16 فى اليوم الـ 14 طيب الـ 15 حتكون 0.18 يعنى ممكن يحصل تلقيح ولا لأ؟
طيب حقولك حاجة عشان متسمعيش كلام الدكاترة لما يقولولك مينفعش
انا لما عملت الحقن كانت بويضةواحدة اللى طلعت و اتلقحت و كونت جنين واحد و هو اللى رجعوه فى ر حمى
لما كلمت الدكتورة و قلتلها انى حامل قالتلى "كوكار" مين؟
الست مكانتش مصدقة او حاطة فى دماغها انى ممكن احمل اصلا
و كان باين على صوتها كدة جدا
يعنى هم بيقولو صح العلم مينفعش عندهم حق بس سبحان اللى فوق كل ذى علم عليم
يعنى لما ربنا يريد حاجة مش حيستنى بويضتك اللى 16 ولا حتى 14

و حقولك على حاجة تانية كمان
فى واحدة مصرية كانو جابوها فى التليفزيون بتقول قصتها
عندها حاجة و عشرين سنة و يا حبيبتى عندها سن يأس مبكر و مبتجلهاش دورة اصلا
بس عندها امل فى ربنا
الدكتور قالها يا بنتى متتعبيش نفسك
قالتله باب ربنا مبيتردش فى وش محتاج
و قالتله كل شهر حاجة اعمل سونار و اشوف
مرة راحت قالها فى بويضة و اداها الوقت اللى بيحصل فيه جماع و الحمد لله حملت و جابت ابنها و منزلتش بويضة تانى خالص بعد كدة
ربنا اراد و هى كان عندها امل فى ربنا كبير

انتى كمان خلى املك فى ربنا كبير و ان شاء الله ربنا حيفرح قلبك

معلش طولت عليكى
بس صعب عليا انك تعملى فى نفسك كدة




ربنا يفرح قلوبنا جميعا



رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة