المشاركة الأصلية كتبت بواسطة روح الطير

طيب أخوي عميد الجامعة ..

أول شئ .. إنت ماشاء الله عليك ،، واضح إنك انسان خلوق و عادل ..
و هذا اللي خلاك تتكلم عن محاسن طليقتك ، و ما تذكر أي عيب من عيوبها ..

و الشئ هذا ،، خلانا ننظر لها بمنظارك إنت ..

الف شكر ع اطرائك واعرف عيوب طليقتي جيدا لانها واااااااااااضحه جدا ولكن لاداعي لذكرها ابدا

-------------------------------------------------------

طيب أول شئ ..

إنت عميد ماشاء الله .. يعني ما وصلت للمرحلة هذه إلا بفضل من ربنا ..
ثم بإجتهادك ،، و رغبتك دائما للوصول ( للأفضل ) .. ( للقمة ) ..
و هذه ما تجي إلا بالتحدي ،، بالسعي للفوز ..

هذا من فضل الله رب العالمين ثم برضا الوالدين

إنت مليت من حياة الروتين اللي عشتها ،، و تسعى للتجديد ..
شفت حياة جديدة ، و أطفال آخرين ، و إمرأة أخرى .. إلخ ..

أحيانا ترى اللي يكون في ملك يدنا ما نعرف قيمته غير إذا فقدناه لا سمح الله ..

ما راح أقول طليقتك ،، بس راح أقول لك على اللي تملكه حاليا في يدك ..
لكن ما بتنظر له ..

اشكر الله تعالى ع نعمة زوجاتي ونعمة الذريه وصدقيني انظر لهذه النعمه بالشكر من الله

إنت تعودت طول عمرك .. إنك خلاص ..
تملك الشئ ،، و تزهده ..
عشان كذا يوم ملكت طليقتك ، إنت زهدتها ..

ابدا غير صحيح ولكن يقل الشوق فقط اذا ملكت الشئ وكل الناس هكذا

و الحين ، و بما إنك تعودت على الفوز و إنك دايما تحصل على الأفضل ..
فإنت حاليا ، تكره شعور الخسارة .. تكره شعور إنك ( فشلت ) ..
لإنك عمرك ما ذقت طعم الفشل ..

ماتخيلت يوما ان رفض لاي سبب وهو شئ مؤلم حقا وخاصه اذا رفضنا الذي احببناه ومن تعود ع النجاح يصعب عليه الفشل



مثل ما قلت ،، لإنك عميد ماشاء الله ..
و أعلم بإحساسك .. لإنه اللي تعود على النجاح .. ما يطمح إلا للنجاح فقط ..

إنت عميد في الجامعة ماشاء الله و في تخصصك ..
لكن إنت ما زلت ( طالب مبتدئ ) في الحياة الزوجية ..
و هذا الشئ ما خلاك تعرف طعم الحياة الزوجية بالرغم من امتلاكك لإمرأتين .

نجحت مرتين وفشلت بالثالثه .

إنت ما عطيت مساحة لنفسك عشان تعيش الحياة ..
كرس حياتك كلها للعلم ، و للجامعة .. و نسيت ( عميد الجامعة الإنسان و الطفل )

نعم صحيح

إنت ما حبيتها ،، إنت تحن للطفل اللي بداخلك ..
تبغى ترجع و تعيش حياتك من جديد .. تبغى اللي تحبك عشانك إنت الإنسان اللي من روح و قلب و جسد و عقل ..

مو لإنك سعادة العميد ..

تبغى اللي تحسسك بضعفك أمامها ،،
تبغى تشعر بهذه الأحاسيس من جديد .

كم اتمنى لو كنت نجحت معها والله مزقني الشووق اليها سبحان من رزقني حبهااااااااا.


لكن صدقني ، لو رجعت لك طليقتك ..
ما راح تتهنى على طول ،، لإنها تفرغت لك 3 أيام .. و ما شفت غير أجمل أيام يمر فيها العريس ..
و بعد كذا ، راح ترجع لنفس الدوامة من جديد .. و راح تقول إيش وجع الراس اللي جبته على نفسي ؟؟؟؟
أطفالها ، احتياجاتك ، متطلبات ووووو إلخ ..

يوم ولدها يمرض ، و تبغى تسهر معاه ،، و تتهمك بالتقصير لإنك ما اهتميت فيه و إنك أناني ..
و يوم ولدها التاني بحاجة لمراجعة في المستشفى ..
و يوم تبغاك تخرجها و تروحوا تتعشوا مثلا في المطعم ،، راح يكون بالها مع أطفالها .. إلخ ..

و إنت ما راح تتحمل الشئ هذا ..
لإنهم في الأخير ماهم أطفالك .. و إنت تبغاها هي مو أطفالها ..

وقد لايحدث كل هذا لان لها ولدين شابين حفظهما الله لها قائمين بها وبطفلها وبالبيت كانت تحتاج لزوج يحتويها فقط

و تبغاها هي ، علشانها إمرأة جربت الحياة الزوجية مع زوجها ..
و أكييييييد لها أخطاء زوجية مثل أي إمرأة .. و يوم كررت تجربة الزواج ( تفادت الأخطاء هذه ) ..
فبالتأكييييييد مافي أي وجه للمقارنة ما بينها و بين زوجاتك ..

نعم صحيح

زوجتك الأولى ( بكر ) ،، ما عمرها شافت رجل آخر غيرك ..
و أغلاطها معاك و كل شئ معاك .. فما كانت لها خبرة ،،
لكن لو إنها من جديد تزوجت ،، فراح تتفادى كل الأخطاء اللي عاشتها في بداية حياتها ..

ايضا صحيح

نفس الشئ طليقتك ..
هي ليست ( حورية من السماء ) .. لكن هي عاشت سنوات مع زوجها السابق ..
و تعلمت إيش يعني ( الرجل ) .. و أخطائها السابقة تفادتها معاك ..

عرفت الفرق ؟؟؟؟؟؟؟؟

نعم هي انسانه جدا عاديه بل بسيييييييطه ولكنها اسرتني بحبها هذا هو الفرق هل عرفتيه ؟

طليقتك تفهم الرجل ، لإنها عاشت مع زوجها السابق ..

لكن زوجتك أول مرة تفتح عيونها على رجل ، معاك إنت فقط ..