اخوي لا تعمم .. مو كل الناس كذا ..
إنت دايما تطمح للوصول لشئ ، يوم تحصل عليه خلاص تحس بطعم الإنتصار

مثال :
طمحت الوصول إلى العمادة ،، و الحمد لله إنك حصلت عليها ..
لكن حصلت عليها ، على حساب حياتك و اللي خلتك تنسى حياتك و تتجاهل المشاعر الملتهبة ..
لإنك كنت منشغل مع الدراسة .. من ماجستير لدكتوراة ، لأبحاث و منشورات و مؤتمرات ووو إلخ ..

( ما أقصد تقصير الناحية المادية أو الجسدية مع زوجتك ) ..
أقصد المعنوية و الحسية ..


فيوم وصلت أخيرا للعمادة و الحمد لله .. بدأت تسأل نفسك ؟
أنا إيش ناقصني كمان ؟؟؟ بديت تصحى و تشعر بالجانب اللي إنت أهملته ..
عرفت ؟؟؟؟

------------------------------------------------------------------------

أخوي الفاضل ..

أنا حياتي كلها كانت للدراسة مثلك تقريبا ،، من تفوق لتفوق و الحمد لله ..
و ما زلت أدرس و الحمد لله .. و عندي وظيفة ..

فيوم انخطبت ، ما أعطيت فرصة لقلبي ،، و لا لنفسي .. و كان ممكن انفصل مباشرة أيام الملكة ..
لإني كنت خايفة من الزواج ، و كل ما صار موقف من زوجي .. أقول له طلقني ما ننفع لبعض ..


لإنه تفكيري مع الدراسة .. و زوجي عكسي تماما .. و أحمد الله إني تزوجته .. تعرف ليه ؟؟؟؟؟؟
لإني كنت قاسية على نفسي .. و ما أعطيت المجال لنفسي عشان أشوف الحياة بصورة تانية ..

هو خلاني أعرف ( روح الطير ) الإنسانة و الطفلة و الأنثى اللي تجاهلتها و نسيتها مع كتبي ..
( الفرق بيني و بينك ياخوي العميد ، إنك رجل و أنا إمرأة ) ..
يعني إنت مليت و طفشت ،، تروح تاخد لك وحدة تانية ..

بس أنا لو بأغير مثلا من الروتين ،، فلازم أجلس مع نفسي و أفهم الحياة أكثر ..
و أجدد و اغير ،، و أفهم زوجي أكثر .. و أحرك الدورة الدموية في حياتنا ..

-------------------------------------------------------------------------

نحن تعودنا على الدراسة ، على التغيير ، على النجاح و مواكبة عجلة الحياة و التجديد ..
و كل يوم مختلف عن اليوم التاني .. و تبغى الحياة نفس الشئ معاك .. تكره الروتين ،،

تبغى حياتك يكون فيها ( مدّ و جزر ) ..

علشان كذا ..
إنت تقول إنه يقل الشوق إذا ملكت الشئ ..

لكن مو كل الناس مثلك .. و الحمد لله زوجي مو مثلك

------------------------------------------------------------------------

أخوي ، اسمح لي ..
إنت ما عرفت معنى الحب إلى الآن .. و أنا كنت مثلك ..

ايوة ..
عندك مشاعر و عندك أحاسيس ..
لكن إنت ما فهمت معنى الحب الحقيقي إلى الآن ..
لإنه الحب الحقيقي ، إذا ملكت الشئ .. حسيت نفسك ( ملك ) و ما تبغى أي شئ من الدنيا ..
مو العكس ؟؟؟ مو تطمع للمزيد ..
عرفت ؟؟؟



صح عندي شهادة و الحمد لله ،، لكن تعلمت من زوجي معنى ( الحب ) .. و غلبته

شفت الحب بعيني ،، يحبني أكثر من نفسه ..
( صح فيه حركات كذا و كذا .. بس أكشفه دايما .. و ماحد خالي من العيوب )
حبه يخليه يضحي بأي شئ عشان يرضيني ..
لو دفعت له 10 أضعاف مهري ،، ما يرضى يتخلى عني ..


فاحتمال زوجها الأول كان مثل زوجي ..
فهي شافت ( الحب ) من زوجها الأول ..
و عرفت الفرق .. !!!!!؟

--------------------------------------------------------------

أخوي ..

لا تدور في حلقة مفرغة ..
و حط رجولك على الأرض .. <- مادري تعرف المثل الإنجليزي هذا وو لا لأ ؟؟؟