أنا رجعت
ومش عارفه ليه حاساك راجل تجمع كل متناقضات الراجل الشرقى وزى طليقتك بالظبط انت وهى كل الوان الرجال والنساء
بص رغم انك اكبر منى سنا بس فى قصتك دى هتعبرك اخى الصغير
انت عارف ايه اللى مجننك ومطير النوم من عينيك؟
الكبر
الغرور
الثقه بالنفس الزايده اوى اوى اوى اوى
انت بمقياس البشر فى المظهر الخارجى المنصب والعلم والفلوس واخد 10 من 10
ومعدد يعنى قادر وده نقطه فى صالح راجل زيك
وغنى .......نقطه تانيه
النقط دى كلها عملت لك جواك رؤيه لنفسك انك (ورده فى عروه اى جاكيت حريمى ) زوجتك اقصد او اى ست تتزوجها
انت شايف انها تزيد شرف بيك
وانها لازم تتمرمط فى الارض وتقبل زى الزوجه الاولى بالتانيه وزى الزوجتين مع بعض بالتالته
اللى تاعبك انها رافضاك ومن غير ماتزعل منى
انت شايف انك تزينها وتزيد اى ست شرف وعلو ورفعه انها تقول انا زوجه فلان
تتباهى بيك
ومش قابل ان حد شافك عادى .......وممكن تترفض
بمعنى اصح قال لك ( وأيه يعنى ......انت عادى.........لا ده ممكن استغنى عنك ........انت فاكر روحك مين؟)
انا لاطبيب نفسى ولا بحللك ولا بتفلسف عليك
بس يمكن انت عمرك ما اترفضت فى حياتك مثلا فمش قادر تتحمل ده
او كنت مرفوض زماااااااااااااااان وعملت درجات علميه وبرستيج وهيلمان وهاله حوالين نفسك عشان ماتترفضش ابدا ونجحت لوقت طويييييييييييييل فى انك تتقبل بكل عيوبك اللى انت مش شايفها طبعا!!!!
والكل بيقول حاضر وامين للدكتور ومش اى دكتور ده دكتور فقه........يعنى عالم
تصدق بقى جت ست غلبانه قالت له ما تلزمنيش واستغنى عنك لانك غلطان وانت مش انت اللى انت متخيله
انت عادى جدا ويمكن اقل من العادى وقدراتك دى صوره وبرواز يدارى ضعفك وعدم قدرتك على التواصل
انت عارف انت عاوز ترجعها وهتموت عليها ليه؟
عشان تقول للعميد
أنا اهه
انا ما اترفضش
انا فرصه لاتعوض
انا اللى يسيبنى يخسر
وعارف انت مش عاوزها تتجوز ليه؟
عشان برضه تقعد كده بالليل تشرب شاى وتقول لروحك يا سلام يا عميد شفت اهى ما لقيتش زيك .......غبيه ......ضيعتك وانت كنز ما ينفعش حد يقول له لاء
خليها تشرب مرار الوحده والهم والندم
ولو هى اتجوزت هتفضل تلف وتدور حوالين روحك وتتقصى عن الزوج وهتلاقى له اى نقطه ضعف برضه عشان تقول هى خسرتنى واديها رضيت بالاقل
انا مش بشكك فى حبك ليها
بس بشكك فى سببه
حبك ليها هو حب للعميد مش للست دى
حب لصورتك فى عيونها ، حب لوجودك
وهى لما اتطلقت كسرت الصوره دى قدامك ،صورتك فى عيونها قدام نفسك
بتحب انها حبتك .........بتحب نفسك فيها
انت فاهمنى؟
انت بتحب روحك اكتر من اى حد فى الوجود ورافض ان حد يخدش التمثال الجميل العميد
رافض مش قادر تتعايش مع ده
عاوز ترجعها عشان نفسك
والحب يا اخى مش كده
الحب مش كده
الحب مش كده
راجع كلامى من غير انفعال
وشوف انت بتحب مين؟
العميد
وللا هى
عاوز ترجع عشان مين؟
العميد
وللا هى؟
برجوعك هتسعد مين؟
العميد
وللا هى؟
انت بتفكر فى مين؟
العميد وللا هى؟
سلام...
__________________
ليس كل ما يلمع ذهباً