السلام عليكم يا بنات

بدي تساعدوني حبيباتي

انا مطبخي امريكي زي الصورة هاي نزلتها من النت بس تشبه حجم مطبخي يعني مطبخي جاي مستطيل..




وبنستعمل بالعادة كراسي بار زي هادي عشان ناكل عليها


بس المشكلة هالكراسي بتوجع الظهر ومش نافعة وعندي الرخامة عالية ولازم زي هالكراسي بس كمان اعلى من اللي بالصورة بس ما لقيت صورة زيهم بالنت..وغير هيك بس ييجي عندي ضيوف فش مكان للاكل يعني اشي سيء بسود الوجه كل واحد بياخد صحنة وبيقعد ع كنباية لانه منهم ما بحبو ياكلو واقفين ومنهم بتوجع ضهرهم الكراسي واصلا كلهم كرسيين اللي عندي فش غيرهم.. الحيلة والفتيلة زي ما بقولو

المهم عم بفكر اشتري طاولة سفرة صغيرة احطها بالمطبخ,ولا شو رايكم بالصالة؟؟
متل هاي عملية وصغيرة


طبعا وحدة اربع كراسي بس تكون صغيرة تقضي غرض شو رايكم
يعني بفكر احطها بوسط المطبخ ولا بتعتقدو المساحة زغيرة؟؟ ولا بطرف الصالة مسلا؟؟ مش عارفة قلت استشيركم يا حلوين اكيد ما بتخيبوني؟؟ عشان تكون الفكرة مزبوطة مية بالمية لما اورجيها لزوجي!! لانه لسا ما عرف انه بفكر نشتري..



بستنا ارائكم تتحفوني يا بنات شكرا

ازا المشرفة بتعرف تضيف لي تصويت يا ريت تضيفه واكون شاكرة لها يعني التصويت هل اضعها في الصالة ام المطبخ؟؟ بانتظاركم يا قمرات