بسم الله الرحمن الرحيم

انا متزوجة والحمدلله مرتاحه مع زوجي وكنت ما ارفض له طلب وكنا كثيررررر متفاهمين وامورنا كلها متيسره وواضحه ...كتب ربي وحملت وكأي وحده حامل مريت بالتجربه الصعبه من وحم وضيقه وبكاء
بس ماكنت اكره زوجي بالعكس كنت نفس تعاملي معاه قبل الحمل لكن بعض الخدمات اللي كنت اقدمها له تركتها لاني كنت تعبانه مع الحمل... وهو كان مقدر هذا الشي ...

بالمختصر عدت فترة الحمل المتعبة لي ولزوجي والحمدلله انجبت طفل بالسلامه ...لكن من يوم صرت في فترة النفاس تغيرت نفسيتي ...حساسة مرررره اتضايق من اي كلمه يقولها بس ودي اتهاوش معاه مع الاسف تطورت حالتي طلعت الاربعين والحين لي كم شهر وصرت اتهاوش معاه في كل صغيره وكبيره وبس احب اكون لوحدي وابكي ولو يطلب مني اي طلب أقدمه له من غير نفس احياناً يبين علي واحيانا احاول اضغط على نفسي ... صحيح ان ولدي آخذ اغلب وقتي بس مو معناتة اني اكون كذا !!!
زوجي كثير صار يقول لي انتي متغيره صايره حساسه وتزعلين على اتفهه الاسباب ...بدينا نبعد عن بعض بالتدريج وانا ما ودي يحصل هالشي ساااااااااعدوني والله ما اقدر احس ودي ارجع زي اوووول بس احس فيه شي بنفسي مدري وش هو ؟؟ هل هذا كله من تاثير الحمل والولاده ؟؟ ولا وش السالفه ؟؟

اعطوني حلول لاني اثق فيكم بعد الله سبحانه وتعالى

__________________
لاحول ولاقوة الا بالله العلي العظيم

اللهم اني اسئلك ان ترحم والدي وتغفر له وتجعل قبره روضة من رياض الجنه

اللهم انقله من ضيق اللحود ومراتع الدود الى جناتك جنات الخلود

جنات الفردوس الاعلى ياكريم