نعم تقدرين

خذيني مثال .. أنا حاليا أدرس وعندي طفلين وبدت دراستي من بعد انجابي لأول طفل .. وكان عندي طموح أكمل ولازال بأني اتخرج بامتياز بإذن الله تعالى .. لكن لازم تحطين في بالج عدة امور اهمها .. من بيهتم بأطفالج في فترة الدوام؟؟ .. ولا تاخذين تخصص صعب جدا عشان ما تكرهين الدراسة وما تحسين بضغط كبير فيها لأنج بتكونين مقسمة نفسج لأكثر من قسم .. يعني البيت والزوج والعيال والدراسة والحياة الاجتماعية وكل شي .. بس اهم شي ان زوجج يكون مقدر وضعج ومش متذمر من دراستج .. لأن انا زوجي العكس بصراحة ناشب لي نشبة بسبة هالدراسة لكن الحمدلله كان شرط الزواج اني اكمل دراستي ولا قدر يقول شي .. بس بصراحة اذا كان مقدر بيساعدج في وايد امور اهمها بيمسك لج الاطفال وقت المذاكرة للامتحانات او ما شابه .. وصدقيني السنوات تمر ولا بتحسين .. وبالعكس يمكن تفكرين مثلي بعدين انج تكملين الماجستير بس ماظن زوجي يرضى

شدي حليج والله يوفقج الغلا

__________________

.::. سبحانك اللهم وبحمدك أشهد أن لا إله إلا أنت أستغفرك وأتوب إليك .::.