طيب انا كنت ناوية ادخل انام بس مقدرتش انام غير لما ارد على ديدو و زوزّة
اولا ديدو
يا حبيبة قلبى انتى غلطاااااااااااااانة من اولك لاخرك
بتدورى على حتة مهجورة تقولى فيها اااااااااااااااه طيب احنا روحنا فين؟
بجد حتلاقى مليون اخت ليكى تقويكى و تديكى الامل فى بكرة
اذا مكانش حد حيقولك كلمة تريحك حتلاقى اللى مشكلتهم اكبر من مشكلتك فتتصبرى بيها
يا حبيبتى ليه تشيلى فى قلبك لوحدك اومال تجمعنا دا ليه؟
مش عشان نشيل الحمل مع بعض
و نخففه على بعض
لحد ما نوصل بر الامان؟
بصى يا قمرة
قدر الله و ما شاء فعل
ربنا مأرادش دلوقتى بحقن مش ممكن عاوزك تفرحى بفرحة الحمل الطبيعى؟
و يدوقك الحلاوة دوبل؟
انا عارفة ان كلامى دا كله انتى عارفاه بس ساعات الواحد محتاج لصوت عالى يقوله اللى جواه
طيب
بصى
انزار شدييييييييييييييييد اللهجة
اذا اختفيتى تانى
حصلت عليكى الاستاذ كريم و حخليه يخاصمك و حسؤ سمعتك عنده انا بقولك اهو و انا بحب اهدى النفوس معاه جدا
و اسألى زهورة القمورة
ربنا يكرمك و يفرح قلبك و يدوقك حلاوة عمرك ما تنسيها ابدا
الست زوزّة
بصى يا قمرة انا مقدرش على زعلك ابدا ابدا
بس هنا و مع الاسف المنتدى قوانينه صارمة جدا جدا
يعنى مينفعش نتكلم فى مواضيع جانبيه
غير الهم و النكد
و الاخبار المفرحة اللى مع الاسف مش بتيجى كتير
فهمانى
بصى احنا زمااااااااااااااان كنا بنتكلم فى كل حاجة و كنا مبسوطين جدا من رغينا مع بعض
بس الموضوع كان حيتقفل و بعد محاولات الحمد لله فضل مفتوح بس على شرط
الهم و النكد
فانا بحاول التزم بالهم و النكد بلما بدخل الاقى رد برد و غير كدة بكتب تحياتى للجميع لانى مش بعرف اكتب بالاسم عشان الالتزام ببالهم و النكد
بس انا عندى استفسار بعيد عن الهم و النكد انتى بلدك ايه؟
مش عارفة حساكى مصرية؟
اعترفى انتى منين يا بنت؟
باقى البنات بحبكم فى الله و فى انتظار تواجد ديدو معانا
رب لا تذرنا فردا و انت خير الوارثين
__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة