والله يختي انا سمعت جمله
الألسنه مغاريف القلوب
ما ادري كيف طيب ولسانه طويل؟
الا اذا قصدك انه يتصرف بصبيانيه ... يعني يسب كأنه بزر عمره خمس سنين فممكن انه فعلا مايقصد شي ولكنها تربيته
عموما اللي زي كذا يجي بالطناش . خليه الين يخلص الاسطوانه حقته ولا تتأثرين بالسب اللي يقوله
اما لو هو يقولها ومقتنع فلا بد من وضع حد
طبعا مايصلح تتلاسنين معاه لأنه هذا بيزيد الطين بله
بس تصيرين جافيه معاه
كلمه ورد غطاها ونشفان في التعامل .. واي سؤال عن السبب قولي والله الين تتعلم تحترمني انا كذا
لو اتعامل معك كذا بتكرهني
انا اطالب بالإحترام زي ما انا احترمك
خصوصا اذا قدام العيال يصير هالملاسن والله مصيبه
وحده من جاراتي كذا زوجها وقدام العيال
فترفع صوتها شوي عليه وتقول له تأسف عالكلمه اللي قلتها
فينحرج ويتأسف وتقوم على طول وتخليه مايكملون نقاشهم ... مره ورا مره صار من جد يتفشل قدام بناته وصار ع الاقل مو قدامهم يسبها
وهي صارت مره جافيه معاه وهو يعصب يقول تحمليني ما اقصد
طيب علم نفسك تنقي الفاظك ... لا عاد تسب .. اذا عصبت اصلا لا تجي تتناقش اهدا اول بعدين كلمني
متعبين اللي كذا بالمره
الحل الأفضل اشوفه مع الطناش ... انه تتفقون ما تتكلمون وقت الزعل ابدا واذا جا يتناقش انتي قومي وخليه وقولي له علشان مصلحتنا نأجل النقاش
علشان لا نندم على شي بعدين ومنها تقليل الاحترام