الله يسعدكم ويوفقكم جميعا وبصراحة ما قصرتوا ،، كفيتوا ووفيتوا ،، ووالله ماكنت اتوقع القى تجاوب وردود من الاعضاء في أي منتدى ولكن منتداكم اثبت العكس ،، واللي نصحني راح اتبع نصايحه بإذن الله مع اني أغلب النصايح انا مسويها من اول ولكن راح اكررها لغرض ابراء ذمتي ،، واللي عاتبني راح اتقبل عتابه بصدر رحب ،، مع انه مافيه مجال لتغليطي لأني معيشها عيشه والله ما تحلم بها ولا كانت تتخيلها وهي افضل حتى من اخواتها في كل تفاصيل حياتها ،، صح يمكن انا غلطت وضربت وأهنت ووو لكن هذا غيض من فيض وهذا اذا بأسميه سوء ردة فعل من قبلي على تصرفاتها اللي تجنن الانسان وتطلعه من طوره ،، ودافعي الوحيد لضربها أو اهانتها زي ما قلت سابقا " اخر العلاج الكي "

وعلى فكرة
الأخوات اللي سألوا اسئلة راح اجاوب عليها واجاباتها

لما صالحتها عند أهلي خليتها عندهم لأني حلفت بالطلاق انها ماترجع للبيت الأول " وكان سبب حلفي بالطلاق هو شكي بأن أغلب مشاكلنا من الوحده اللي عايشينها وكل واحد وجهه بوجه الثاني ويدور للمشكلة " عشان كذا حسيت ان الحل الوحيد اني اخذها لبيت اهلي على الأقل نبتعد عاطفيا عن بعض شوي وتعرفون لما يكون الواحد عند اهله او ساكن معاهم ما يقابل زوجته الا قليل أو على الأقل ما يقابلها زي اول لم يكونوا ببيتهم فيكون هذا الابتعاد النسبي حل لبعض المشاكل

الأخت اللي تسأل عن ولد عمها اللي مات فلا مو اللي خطبها وانما اخوه

حاجة أخيرة أحب أبينها لكم " أنا واعوذ بالله من كلمة انا اتكلم مع زوجتي بشكل مو طبيعي ما ادري وش يجيني لما اكلمها والله العظيم تخيلوا اجلس احيانا اكلمها في موضوع معين 9 ساعات متواصلة او اكثر او اقل ،، يعني بالعربي اكون ثرثاااااااااار معها،، وبعدين والله العظيم اني اتحاور معها في كل شي واتبع كل اساليب الحوار المنطقي والفعال " لا احد ياخذ على باله اني جالس اهاوش "
مع ذلك مافيه فايده الموضوع اللي اتكلم فيه ساعات وساعات استنتج في الاخير انها ما اقتنعت مع ان عندي على قدرة على الاقناع ماهي طبيعية والله لو ابي اقنع اي انسان بشي حتى لو هو غلط راح اقنعه فما بالك اذا كنت اقنعه بشي صح ؟ اكيد بأكون اقدر في هذا الشيء

فهل تتوقعون ان برضه كثر الكلام مع الزوجه يفقد الشخص هيبته او يحول الوضع الى احساس عند احد الطرفين ان الحوار انه جدال ومشاكل ولا ايش بالضبط؟

سؤال أخير:
محتوى رسالتها الأخيرة كأنها باختصار تقول انا بايعتك وليست تحاول الانتقام لكرامتها او من هذا القبيل وانا اعرف اسلوبها لما تعاتب ولما خلاص تخربها